ದುಬೈ, ಯುಎಇನಲ್ಲಿ ಅಣ್ಣಾಬಾಂಡ್ ಬಿಡುಗಡೆ

ಕರ್ನಾಟಕ ರಾಜ್ಯಾದ್ಯಂತ ಯಶಸ್ವೀ ಪ್ರದರ್ಶನ ಕಾಣುತ್ತಿರುವ ಪುನೀತ್ ರಾಜ್ ಕುಮಾರ್ ಅಭಿನಯ ಹಾಗೂ ಸೂರಿ ನಿರ್ದೇಶನದ 'ಅಣ್ಣಾಬಾಂಡ್' ಚಿತ್ರವು ಇಂದಿನಿಂದ (ಮೇ 03, 2012) 'ದುಬೈ' ಮತ್ತು 'ಯುಎಇ'ನಲ್ಲೂ ಪ್ರದರ್ಶನ ಕಾಣುತ್ತಿದೆ. ದುಬೈ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ ಚಿತ್ರಮಂದಿರಗಳಲ್ಲಿ ಪ್ರದರ್ಶನಗೊಂಡು ಅಲ್ಲಿನ ಕನ್ನಡಿಗರ ಕುತೂಹಲವನ್ನು ತಣಿಸಲಿದೆ.

ಈ ಮೊದಲು ಮೇ 1 ರಂದೇ ವಿದೇಶಗಳಲ್ಲೂ ಈ ಚಿತ್ರ ಬಿಡುಗಡೆಯಾಗಲಿದೆ ಎಂದು ಘೋಷಿಸಲಾಗಿತ್ತಾದರೂ ಎರಡು ದಿನ ತಡವಾಗಿ ಅಲ್ಲಿ ಬಿಡುಗಡೆ ಕಾಣುತ್ತಿದೆ. ಅಲ್ಲಿನ 3 ಚಿತ್ರಮಂದಿರಗಳಲ್ಲಿ ಅಣ್ಣಾಬಾಂಡ್ ಪ್ರದರ್ಶನವಾಗಲಿದ್ದು ಅಲ್ಲಿರುವ ಕನ್ನಡಿಗರಿಗೆ ವೀಕೆಂಡಿನಲ್ಲಿ (ದುಬೈನಲ್ಲಿ ಶುಕ್ರವಾರ ವಾರದ ರಜಾ ದಿನ) ಹಬ್ಬದೂಟ ಕಾದಿದೆ. ಚಿತ್ರವಿಮರ್ಶೆ ಓದಿ...

ಪುನೀತ್ ರಾಜ್ ಕುಮಾರ್, ಪ್ರಿಯಾಮಣಿ ಹಾಗೂ ನಿಧಿ ಸುಬ್ಬಯ್ಯ ಮುಖ್ಯ ಭೂಮಿಕೆಯಲ್ಲಿರುವ ಅಣ್ಣಾಬಾಂಡ್ ಚಿತ್ರದಲ್ಲಿ ರಂಗಾಯಣ ರಘು, ಅವಿನಾಶ್ ಹಾಗೂ ನೀನಾಸಂ ಸತೀಶ್ ಪ್ರಮುಖ ಪೋಷಕವರ್ಗದಲ್ಲಿದ್ದಾರೆ. ಸತ್ಯ ಹೆಗಡ ಕೆಮರಾ ಹಾಗೂ ವಿ ಹರಿಕೃಷ್ಣ ಸಂಗೀತ ಚಿತ್ರಕ್ಕಿದೆ. ರಾಘವೇಂದ್ರ ರಾಜ್ ಕುಮಾರ್ ಈ ಚಿತ್ರದ ನಿರ್ಮಾಪಕರು.

ಹೆಚ್ಚಿನ ವಿವರಗಳಿಗೆ ಸಂಪರ್ಕಿಸಿ:
ಶೇಖರ್- 055 5304576
ಸಂಜೀವ್- 055 6544989
ಗಂಗಾಧರ್- 050 4586228
ಶ್ರೀನು- 055 3133563
ರಾಜಣ್ಣ- 055 5441337
ಜಗನ್ನಾಥ್ ಬಳ್ಳಾರಿ (ಮೊಬೈಲ್)- 055 6675350
(ಒನ್ ಇಂಡಿಯಾ ಕನ್ನಡ)