ಗ್ಯಾಸ್ ದರ ಅಲ್ಪ ಇಳಿಕೆ: ಗ್ರಾಹಕ ಸ್ವಲ್ಪ ಖುಷ್!

ಇದರ ಫಲವನ್ನು ದೇಶೀಯ ತೈಲ ಕಂಪನಿಗಳು ನೇರವಾಗಿ ಅಡುಗೆ ಅನಿಲ ಗ್ರಾಹಕರಿಗೆ ಉಣಬಡಿಸಿದೆ. ಹಾಗಾಗಿ ಸಬ್ಸಿಡಿ ನಂತರದ ಗ್ಯಾಸ್ ಸಿಲಿಂಡರಿನ ಬೆಲೆಯನ್ನು ಲೆಕ್ಕಾಚಾರ ಹಾಕಿ ಸ್ವಲ್ಪಮಟ್ಟಿಗೆ ಕಡಿಮೆ ಮಾಡಿದೆ.

ಅಂದರೆ ವಾರ್ಷಿಕ 12 ಸಿಲಿಂಡರುಗಳನ್ನು ಬಳಸಿದ ಬಳಿಕ ಗ್ರಾಹಕರು ಖರೀದಿಸುವ ಸಬ್ಸಿಡಿಯೇತರ ಸಿಲಿಂಡರಿನ ಬೆಲೆಯನ್ನು 24 ರೂ. ನಷ್ಟು ಕಡಿಮೆ ಮಾಡಿದೆ. ದಿಲ್ಲಿಯಲ್ಲಿ ಸಬ್ಸಿಡಿರಹಿತ ಅಡುಗೆ ಅನಿಲ ಸಿಲಿಂಡರಿನ ಬೆಲೆ ಈ ಹಿಂದೆ 928.50 ರೂ. ಇತ್ತು. ಅದೀಗ 905 ರೂ. ಗೆ ಲಭ್ಯವಾಗಲಿದೆ. ಅದೇ ವಾರ್ಷಿಕ 12 ಸಿಲಿಂಡರುಗಳ ಸಬ್ಸಿಡಿ ಗ್ಯಾಸಿನ ಬೆಲೆ ಸಿಲಿಂಡರಿಗೆ 414 ರೂ. ಇದೆ.

LPG ಬಾಬತ್ತಿನಲ್ಲಿ ಕಳೆದ ತಿಂಗಳಿಗೆ ಹೋಲಿಕೆ ಮಾಡಿದಲ್ಲಿ ನಷ್ಟದ ಪ್ರಮಾಣ ಒಂದು ಸಿಲಿಂಡರಿಗೆ 449.14 ರೂ ಇದ್ದದ್ದು 432.71 ರೂ. ಗೆ ಕುಗ್ಗಿದೆ ಎಂದು ಇಂಡಿಯನ್ ಆಯಿಲ್ ಕಂಪನಿ ಹೇಳಿದೆ.

ಪ್ರತಿ ತಿಂಗಳ ಮೊದಲ ದಿನ ಹಿಂದಿನ ತಿಂಗಳಲ್ಲಿ ಅಂತಾರಾಷ್ಟ್ರೀಯ ಕಚ್ಚಾ ತೈಲದ ಬೆಲೆಯ ಏರಿಳಿತವನ್ನು ಅನುಸರಿಸಿ ದೇಶೀಯ ಸರಕಾರಿ ತೈಲ ಕಂಪನಿಗಳು ವಿಮಾನದ ಇಂಧನ ಮತ್ತು ಸಬ್ಸಿಡಿಯೇತರ ಗ್ಯಾಸ್ ಸಿಲಿಂಡರಿನ ಬೆಲೆಯನ್ನು ನಿರ್ಣಯಿಸುತ್ತದೆ. ಅಂದಹಾಗೆ ವಿಮಾನ ಇಂಧನದ ಬೆಲೆಯೂ ಈ ಬಾರಿ ತಗ್ಗಿದೆ.