ಸಿ ವೋಟರ್ ಚುನಾವಣಾ ಸಮೀಕ್ಷೆಗಳು ಸುಳ್ಳೋ ಸುಳ್ಳು
ಸಮೀಕ್ಷೆಗಳಿಗೆ ಮಸಿ: ಸಮೀಕ್ಷಾ ಸಂಸ್ಥೆಗಳ ನೆರವಿನೊಂದಿಗೆ ಮಾಧ್ಯಮಗಳು ತಮ್ಮ ಮೂಗಿನ ನೇರಕ್ಕೆ ಪ್ರಕಟಿಸುವ ಚುನಾವಣಾ ಪೂರ್ವ ಸಮೀಕ್ಷೆಗಳು ಕೃತ್ರಿಮ ಎಂಬುದು ಈಗ ಸಾಬೀತಾಗಿದೆ. ಹಾಗಾಗಿ ಚುನಾವಣಾ ಸಮೀಕ್ಷೆಗಳ ಭವಿಷ್ಯ ಈಗ ಮಸುಕಾಗಿವೆ. ಜತೆಗೆ ಇದುವರೆಗಿನ ಸಮೀಕ್ಷೆಗಳು ಮುಂದಿನ ಮಹಾ ಸಮರದ ಮೇಲೆ ಯಾವ ರೀತಿಯ ಪರಿಣಾಮ/ ಅಡ್ಡ ಪರಿಣಾಮಗಳು ಬೀರುತ್ತವೆ ಎಂಬ ಕುತೂಹಲವೂ ಗರಿಗೆದರಿದೆ.
NewsExpress sting ಕಾರ್ಯಾಚರಣೆಯು C-Voter ಸೇರಿದಂತೆ ಒಟ್ಟು 11 ಏಜೆನ್ಸಿಗಳನ್ನು ತನ್ನ ಕುಟುಕು ಕಾರ್ಯಾಚರಣೆಗೆ ಗುರಿಪಡಿಸಿ, ಅವುಗಳ ಜಾತಕವನ್ನು ಹರಾಜಿಗೆ ಹಾಕಿದೆ. C-Voter ಇತ್ತೀಚೆಗೆ ಟೈಮ್ಸ್ ಆಫ್ ಇಂಡಿಯಾ ಸಮೂಹ ಮತ್ತು ಇಂಡಿಯಾ ಟುಡೆ ಸಮೂಹದ ಜತೆ ಕೈಜೋಡಿಸಿ, ಸಮೀಕ್ಷೆಗಳನ್ನು ಮೋಸದಿಂದ ಜೋಡಿಸಿತ್ತು ಎಂಬುದು ಇದೀಗ ಜಗಜ್ಜಾಹೀರಾಗಿದೆ.
NewsExpress channel ನಡೆಸಿರುವ ಕುಟುಕು ಕಾರ್ಯಾಚರಣೆಯಿಂದ ಚುನಾವಣಾ ಸಮೀಕ್ಷೆಗಳು ಕಪಟ ಎಂಬುದು ಸಾಬೀತಾಗುತ್ತಿದ್ದಂತೆ India Today ಸಮೂಹವು ಸಮೀಕ್ಷೆಗಾಗಿ ನೇಮಿಸಿಕೊಂಡಿದ್ದ C-Voter agency ಜತೆಗಿನ ಒಪ್ಪಂದವನ್ನು ರದ್ದುಪಡಿಸಿದೆ!
ಚುನಾವಣಾ ಪೂರ್ವ ಸಮೀಕ್ಷೆಗಳು ಮೋಸದ್ದು. ಅವುಗಳನ್ನು ಸ್ಥಗಿತಗೊಳಿಸಬೇಕು ಎಂದು ಇತ್ತೀಚೆಗೆ ಅನೇಕ ರಾಜಕೀಯ ಪಕ್ಷಗಳು ಚುನಾವಣಾ ಆಯೋಗದ ಮೊರೆ ಹೋಗಿತ್ತು ಎಂಬುದು ಗಮನಾರ್ಹ. 'Operation Prime Minister' ಹೆಸರಿನ ನ್ಯೂಸ್ ಎಕ್ಸ್ ಪ್ರೆಸ್ ಕುಟುಕು ಕಾರ್ಯಾಚರಣೆಯ ಸಮ್ಮುಖದಲ್ಲಿ ಆಯೋಗ ಈಗ ಯಾವ ನಿರ್ಧಾರ ತೆಗೆದುಕೊಳ್ಳುತ್ತದೆ ಎಂಬ ಕುತೂಹಲ ಮೂಡಿದೆ.
ಸಮೀಕ್ಷೆಗಳು
ಬೋಗಸ್ಸೋ
ಬೋಗಸ್ಸು;
ಬರಿ
ಗ್ಯಾಸು:
NewsExpress
sting
ಪ್ರಕಾರ
ಸಮೀಕ್ಷಾ
ಏಜೆನ್ಸಿಗಳು
2
ಮಾದರಿಯ
ಸಮೀಕ್ಷೆಗಳನ್ನು
ಹಣಕ್ಕಾಗಿ
ಮಾರಿಕೊಳ್ಳುತ್ತವೆಯಂತೆ.
ಒಂದು
ವಾಸ್ತವವಾದ
ಖಡಕ್
ಸಮೀಕ್ಷೆ
ಮತ್ತೊಂದು
ಕೃತ್ತಿಮ/
ತಿದ್ದಿದ
ಸಮೀಕ್ಷಾ
ಫಲಿತಾಂಶಗಳು!
NewsExpress ವರದಿಗಾರರು 'ತಾವು ನಿರ್ದಿಷ್ಟ ಪಕ್ಷಗಳ ಪ್ರತಿನಿಧಿಗಳು. ಸಮೀಕ್ಷೆಗಳು ತಮ್ಮ ಪಕ್ಷದ ಪರವಾಗಿರಬೇಕು' ಎಂದು ಹೇಳಿ ಹಣ ಮುಂದಿಡುತ್ತಿದ್ದಂತೆ ಈ ಸಮೀಕ್ಷಾ ಏಜೆನ್ಸಿಗಳು ಸುಳ್ಳು ಮಾದರಿಯ ಫಲಿತಾಂಶಗಳನ್ನು ಆ ಪಕ್ಷಗಳ ಪರವಾಗಿ ಮಂಡಿಸಿವೆಯಂತೆ. ಅಷ್ಟೇ ಅಲ್ಲ. ಅದೇ ಸುಳ್ಳು ಫಲಿತಾಂಶಗಳನ್ನು ಟಿವಿ ಚಾನೆಲ್ಲುಗಳಲ್ಲಿ ಪ್ರಸಾರವಾಗುವಂತೆ ನೋಡಿಕೊಳ್ಳುತ್ತೇವೆ. ಆದರೆ ಅದಕ್ಕು ಪ್ರತ್ಯೇಕವಾಗಿ ಹಣ ನೀಡಬೇಕು ಎಂದು ದುಂಬಾಲು ಬಿದ್ದವಂತೆ!