ಪಿಎಚ್ಸಿಗಳು ರಾತ್ರಿ 8.30ರವರೆಗೆ ತೆರೆದಿರುತ್ತೆ
ಮೈಸೂರು, ಆ.30 : ಬಡವರು ಮತ್ತು ಕಾರ್ಮಿಕರಿಗೆ ಸಹಾಯಕವಾಗುವಂತೆ ಮೈಸೂರು ನಗರ ವ್ಯಾಪ್ತಿಯಲ್ಲಿರುವ ಐದು ಪ್ರಾಥಮಿಕ ಆರೋಗ್ಯ ಕೇಂದ್ರಗಳನ್ನು ರಾತ್ರಿ 8.30ರವರೆಗೆ ತೆರೆದಿರಲು ನಿರ್ಧರಿಸಲಾಗಿದೆ. ಸೆಪ್ಟೆಂಬರ್ ಎರಡನೇ ವಾರದಿಂದ ಈ ಆದೇಶ ಜಾರಿಗೆ ಬರಲಿದೆ.
ಗಾರ್ಮೆಂಟ್ಸ್,
ಬೀಡಿ,
ಕಟ್ಟಡ
ಕಾರ್ಮಿಕರಿಗೆ
ಸಹಕಾರಿಯಾಗಲೆಂದು
ಆರೋಗ್ಯ
ಇಲಾಖೆ
ಈ
ಕ್ರಮವನ್ನು
ಕೈಗೊಂಡಿದೆ.
ಪ್ರತಿದಿನ
ಬೆಳಗ್ಗೆ
9
ರಿಂದ
ರಾತ್ರಿ
8.30ರವರೆಗೆ
ಪ್ರಾಥಮಿಕ
ಆರೋಗ್ಯ
ಕೇಂದ್ರಗಳು
ಇನ್ನುಮುಂದೆ
ಕಾರ್ಯನಿರ್ವಹಿಸಲಿವೆ.
ಭಾನುವಾರ
ಹೊರತುಪಡಿಸಿ
ಉಳಿದ
ದಿನಗಳಿಗೆ
ಈ
ನಿಯಮ
ಅನ್ವಯವಾಗುತ್ತದೆ.
ಮೈಸೂರು ನಗರದ ವ್ಯಾಪ್ತಿಯಲ್ಲಿ ಕೃಷ್ಣರಾಜಪುರಂ, ಚಾಮರಾಜ, ಡಬಲ್ ರೋಡ್, ಅಗ್ರಹಾರ ಮತ್ತು ಕ್ಯಾತಮಾರನಹಳ್ಳಿ ಸೇರಿ ಒಟ್ಟು ಐದು ಪ್ರಾಥಮಿಕ ಆರೋಗ್ಯ ಕೇಂದ್ರಗಳಿವೆ. ಇವುಗಳಲ್ಲಿ ಇಷ್ಟು ದಿನ ವೈದ್ಯರು ಸಂಜೆ 4.30ರವೆಗೆ ಮಾತ್ರ ಕೆಲಸ ಮಾಡುತ್ತಿದ್ದರು. [ಕೇಂದ್ರ ಸಚಿವರ ಪ್ರಕಾರ ಮಹಿಳೆ ದೇಹ ದೇವಾಲಯವಂತೆ!?]
ಸಂಜೆ 6 ಗಂಟೆಯ ನಂತರ ಕೆಲಸದಿಂದ ಮರಳುವ ಗಾರ್ಮೆಂಟ್ಸ್, ಬೀಡಿ, ಕಟ್ಟಡ ಕಾರ್ಮಿಕರಿಗೆ ಇದರಿಂದ ಸರಿಯಾದ ಆರೋಗ್ಯ ಸೇವೆ ಲಭ್ಯವಾಗುತ್ತಿರಲಿಲ್ಲ. ಆದ್ದರಿಂದ ಅವರು ಖಾಸಗಿ ಕ್ಲಿನಿಕ್ಗಳಿಗೆ ಹೋಗಿ ಹೆಚ್ಚಿನ ಹಣ ಪಾವತಿ ಮಾಡುವುದು ಅನಿವಾರ್ಯವಾಗಿತ್ತು. [ಹೃದಯದ ಆರೋಗ್ಯಕ್ಕೆ ಅಕ್ಕಪಕ್ಕದವರನ್ನು ಪ್ರೀತಿಸಿ]
ಆದ್ದರಿಂದ ಕಾರ್ಮಿಕರಿಗೆ ಸಹಾಯವಾಗಲಿ ಎಂದು ಬೆಳಗ್ಗೆ 9 ಗಂಟೆಯಿಂದ ರಾತ್ರಿ 8.30ರವೆರೆಗೆ ಆರೋಗ್ಯ ಕೇಂದ್ರಗಳನ್ನು ತೆರೆದಿರಲು ನಿರ್ಧರಿಸಲಾಗಿದೆ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಎಚ್.ಟಿ.ಪುಟ್ಟಸ್ವಾಮಿ ಹೇಳಿದ್ದಾರೆ. ಇದಕ್ಕೆ ಬೇಕಾದ ಅಗತ್ಯ ಸಿದ್ಧತೆಗಳನ್ನು ಇಲಾಖೆ ಈಗಾಗಲೇ ಪೂರ್ಣಗೊಳಿಸಿದ್ದು, ಸೇವೆ ವಿಸ್ತರಿಸಲು ಸಜ್ಜಾಗಿದೆ.
ರಾಷ್ಟ್ರೀಯ ಆರೋಗ್ಯ ಮಿಷನ್ ಅಡಿ ದೊರೆಯುವ ಅನುದಾನದಿಂದ ಈ ಸೇವೆಯನ್ನು ವಿಸ್ತರಿಸಲು ಇಲಾಖೆ ನಿರ್ಧರಿಸಿದೆ. ಸೇವೆ ವಿಸ್ತರಣೆ ಮಾಡಲು ಅಗತ್ಯ ಸಿಬ್ಬಂದಿಗಳನ್ನು ಇಲಾಖೆ ನಿಯೋಜನೆ ಮಾಡುತ್ತಿದೆ. ಐದು ಕೇಂದ್ರಗಳಿಗೆ ವೈದ್ಯರು, ಸಿಬ್ಬಂದಿಯನ್ನು ನಿಯೋಜನೆ ಮಾಡುವ ಕಾರ್ಯ ಪ್ರಗತಿಯಲ್ಲಿದೆ.