ಆರು ಜಿಲ್ಲೆಗಳಲ್ಲಿ ನೂತನ ಮೆಡಿಕಲ್ ಕಾಲೇಜು ಸ್ಥಾಪನೆ
ಬೆಂಗಳೂರು, ಆ.28 : ಕರ್ನಾಟಕ ಸರ್ಕಾರ ಆರ್ಥಿಕವಾಗಿ ಹಿಂದುಳಿದ ಜಿಲ್ಲೆಗಳಲ್ಲಿ ಸರ್ಕಾರಿ ವೈದ್ಯಕೀಯ ಕಾಲೇಜುಗಳನ್ನು ಆರಂಭಿಸಲು ಯೋಜನೆ ತಯಾರಿಸಿದೆ. 150 ಸೀಟುಗಳ ಕಾಲೇಜು ಮುಂದಿನ 2015ರ ಶೈಕ್ಷಣಿಕ ವರ್ಷಕ್ಕೆ ಆರು ಜಿಲ್ಲೆಗಳಲ್ಲಿ ಆರಂಭಗೊಳ್ಳಲಿದೆ.
ವೈದ್ಯಕೀಯ
ಶಿಕ್ಷಣ
ಇಲಾಖೆ
ಈ
ಕುರಿತು
ಈಗಾಗಲೇ
ಯೋಜನೆ
ತಯಾರಿಸಿದೆ.
ತುಮಕೂರು,
ಚಿತ್ರದುರ್ಗ,
ಚಿಕ್ಕಬಳ್ಳಾಪುರ,
ಬಾಗಲಕೋಟೆ,
ಹಾವೇರಿ
ಮತ್ತು
ಯಾದಗಿರಿ
ಜಿಲ್ಲೆಗಳಲ್ಲಿ
ಹೊಸ
ವೈದ್ಯಕೀಯ
ಕಾಲೇಜುಗಳನ್ನು
ಆರಂಭಿಸಲು
ಯೋಜನೆ
ತಯಾರಿಸಲಾಗಿದೆ.
ಈ ಕಾಲೇಜುಗಳು ಆರಂಭವಾದ ಬಳಿಕ ದೇಶದಲ್ಲಿಯೇ ಅತಿ ಹೆಚ್ಚು ಮೆಡಿಕಲ್ ಕಾಲೇಜುಗಳನ್ನು ಹೊಂದಿದ ರಾಜ್ಯ ಎಂಬ ಖ್ಯಾತಿಗೆ ಕರ್ನಾಟಕ ಪಾತ್ರವಾಗಲಿದೆ. ಆರು ಕಾಲೇಜುಗಳು ಸ್ಥಾಪನೆಯಾದ ಬಳಿಕ ರಾಜ್ಯದಲ್ಲಿ ಒಟ್ಟು 22 ಸರ್ಕಾರಿ ಮೆಡಿಕಲ್ ಕಾಲೇಜುಗಳಾಗುತ್ತವೆ. [ಪ್ರತಿ ಜಿಲ್ಲೆಯಲ್ಲೂ ವೈದ್ಯಕೀಯ ಕಾಲೇಜು]
ಸುಮಾರು 199 ಕೋಟಿ ವೆಚ್ಚದಲ್ಲಿ ಮೆಡಿಕಲ್ ಕಾಲೇಜುಗಳನ್ನು ನಿರ್ಮಾಣ ಮಾಡಲಾಗುತ್ತದೆ. 150 ಮೆಡಿಕಲ್ ಸೀಟುಗಳನ್ನು ಹೊಂದಿರುವ ಈ ಕಾಲೇಜುಗಳು 2015ರ ಶೈಕ್ಷಣಿಕ ವರ್ಷದಿಂದ ಕಾರ್ಯಾರಂಭ ಮಾಡಲಿವೆ. ಈ ಕಾಲೇಜುಗಳು ಆರಂಭವಾದ ನಂತರ ರಾಜ್ಯದಲ್ಲಿ 4000 ಮೆಡಿಕಲ್ ಸೀಟುಗಳು ಲಭ್ಯವಾಗಲಿವೆ.
ಸದ್ಯ ಇರುವ ಕಾಲೇಜುಗಳು : ಅಂದಹಾಗೆ ರಾಜ್ಯದ ಬೆಂಗಳೂರು, ಮೈಸೂರು, ಬಳ್ಳಾರಿ, ಹುಬ್ಬಳ್ಳಿ, ಬೀದರ್, ರಾಯಚೂರು, ಬೆಳಗಾವಿ, ಶಿವಮೊಗ್ಗ, ಹಾಸನ ಮತ್ತು ಮಂಡ್ಯ ಜಿಲ್ಲೆಗಳಲ್ಲಿ ಸರ್ಕಾರಿ ವೈದ್ಯಕೀಯ ಕಾಲೇಜುಗಳು ಕಾರ್ಯುನಿರ್ವಹಿಸುತ್ತಿವೆ.