ರಾಮನಗರದಲ್ಲಿ ಹರಿದಾಡುತ್ತಿದೆ ಅಶ್ಲೀಲ ಎಂಎಂಎಸ್
ರಾಮನಗರ, ಜೂ.7 : ರಾಮನಗರ ಗಡಿಭಾಗದ ಮುತ್ತತ್ತಿ ಸಮೀಪದ ಕಾವೇರಿ ನದಿ ದಡದಲ್ಲಿ ಮಹಿಳೆ ಮತ್ತು ಪುರುಷನ ಕಾಮಕೇಳಿ ದೃಶ್ಯಗಳನ್ನು ಮೊಬೈಲ್ ನಲ್ಲಿ ಸೆರೆಹಿಡಿರುವ ದುಷ್ಕರ್ಮಿಗಳು ಅದನ್ನು ಯುಟ್ಯೂಬ್ ಗೆ ಅಪ್ ಲೋಡ್ ಮಾಡಿದ್ದಾರೆ. ರಾಮನಗರದ ಹಲವಾರು ಯುವಕರ ಮೊಬೈಲ್ ನಲ್ಲಿಯೂ ಈ ದೃಶ್ಯಾವಳಿಗಳು ಹರಿದಾಡುತ್ತಿದ್ದು, ಪೊಲೀಸರು ಈ ಬಗ್ಗೆ ಮೌನವಹಿಸಿರುವುದು ಜನರ ಆಕ್ರೋಶಕ್ಕೆ ಕಾರಣವಾಗಿದೆ.
ಮೊಬೈಲ್
ನಲ್ಲಿ
ಹರಿದಾಡುತ್ತಿರುವ
ದೃಶ್ಯದಲ್ಲಿ
ಒಮ್ಮೆ
ಖಾಕಿ
ಪ್ಯಾಂಟ್
ಮತ್ತು
ಲಾಠಿ
ಕಾಣಿಸಿಕೊಂಡಿದ್ದು,
ಕೃತ್ಯದಲ್ಲಿ
ಪೊಲೀಸರು
ಅಥವ
ಅರಣ್ಯ
ಇಲಾಖೆಯ
ಸಿಬ್ಬಂದಿಗಳ
ಕೈವಾಡವಿರಬಹುದು
ಎಂದು
ಅನುಮಾನ
ಹುಟ್ಟುಹಾಕಿದೆ.
ಕಾಮಕೇಳಿಯಲ್ಲಿ
ತೊಡಗಿದ್ದವರು
ಸಿಕ್ಕಿಹಾಕಿಕೊಂಡ
ತಕ್ಷಣ
ಅಂಗಲಾಚಿ
ಬೇಡಿಕೊಂಡರೂ
ವಿಡಿಯೋ
ಚಿತ್ರೀಕರಣವನ್ನು
ಅವರು
ನಿಲ್ಲಿಸದೆ
ದೌರ್ಜನ್ಯ
ನಡೆಸಲಾಗಿದೆ.
ಯುವ ಜೋಡಿ ಸಿಕ್ಕಬಿದ್ದ ಬಳಿಕವೂ ಕೆಲ ಹೊತ್ತು ಬಟ್ಟೆಗಳನ್ನು ಹಾಕಿಕೊಳ್ಳಲು ಅವಕಾಶ ಕೊಡದೆ ವಿವಸ್ತ್ರರನ್ನಾಗಿಯೇ ನಿಲ್ಲಿಸಲಾಗಿದ್ದು, ಗಲಾಟೆ ಮಾಡಿದರೆ ಪೊಲೀಸರಿಗೆ ಕೊಡುತ್ತೇವೆ ಎಂದು ಚಿತ್ರೀಕರಣ ಮಾಡಿದವರು ಜೋಡಿಗೆ ಹೆದರಿಸುತ್ತಿರುವ ಮಾತುಗಳು ರೆಕಾರ್ಡ್ ಆಗಿವೆ.
4 ನಿಮಿಷ 33 ಸೆಕೆಂಡ್ ವಿಡಿಯೋ ದೃಶ್ಯಾಳಿಯನ್ನು ಮುತ್ತತ್ತಿ ಬಳಿ ಚಿತ್ರಿಸಲಾಗಿದೆ. ಗಡಿಭಾಗವಾದ ಮುತ್ತತ್ತಿ ಪ್ರದೇಶವು ಮಂಡ್ಯ ಮತ್ತು ರಾಮನಗರ ಯಾವ ಜಿಲ್ಲೆಯ ಪೊಲೀಸರ ವ್ಯಾಪ್ತಿಗೆ ಬರುತ್ತದೆ ಎಂಬುದು ಗೊಂದಲವಾಗಿದೆ. ಆದ್ದರಿಂದ ಸ್ಥಳೀಯರು ವಿಡಿಯೋ ಬಗ್ಗೆ ಯಾವ ಪೊಲೀಸರಿಗೆ ದೂರು ನಿಡಬೇಕು ಎಂಬ ಗೊಂದಲದಲ್ಲಿದ್ದಾರೆ.
ತನಿಖೆಗೆ ಆಗ್ರಹ : ವಿಡಿಯೋ ದೃಶ್ಯಾವಳಿಗಳ ಬಗ್ಗೆ ವಿವರವಾದ ತನಿಖೆ ನಡೆಯಬೇಕೆಂದು ಮುತ್ತತ್ತಿ ಭಾಗದ ಜನರು ಆಗ್ರಹಿಸುತ್ತಿದ್ದಾರೆ. ಕಳೆದ ಎರಡು ವಾರಗಳಿಂದ ಹಲವರ ಮೊಬೈಲ್ ಗಳಲ್ಲಿ ಈ ದೃಶ್ಯಾವಳಿ ಹರಿದಾಡುತ್ತಿದೆ. ಜಿಲ್ಲೆಯಲ್ಲಿ ಹಿಂದೆ ಸಿಲ್ಕ್ ಸಿಟಿ ಸೆಕ್ಸ್ ಭಾಗ-1 ಮತ್ತು ಭಾಗ-2, ಮಾಗಡಿ ಮಂದಾರ ಎನ್ನುವ ಇಂಥಹ ವೀಡಿಯೋಗಳು ಹರಿದಾಡಿದ್ದವು. ಇದೀಗ ಆ ಪಟ್ಟಿಗೆ ಮತ್ತೊಂದು ಸೇರ್ಪಡೆಯಾಗಿದೆ.