ಖಾಸಗಿ ತಾಣಗಳಲ್ಲಿ ಕೆಎಸ್ಆರ್ಟಿಸಿ ಬುಕ್ಕಿಂಗ್ ಇಲ್ಲ
ಬೆಂಗಳೂರು. ಜೂ. 7: ಇನ್ನು ಮುಂದೆ ನೀವು ಕೆಎಸ್ಆರ್ಟಿಸಿ ಬಸ್ ಟಿಕೆಟನ್ನು ಕೆಎಸ್ಆರ್ಟಿಸಿ ಅಧಿಕೃತ ವೆಬ್ಸೈಟ್ನಲ್ಲೇ ಬುಕ್ ಮಾಡಬೇಕು. ಖಾಸಗಿ ತಾಣಗಳಲ್ಲಿ ಟೆಕೆಟ್ ಬುಕ್ಕಿಂಗ್ ಸೇವೆ ಲಭ್ಯವಿದ್ದರೂ ಸದ್ಯದಲ್ಲೇ ಈ ಸೇವೆಯನ್ನು ಸ್ಥಗಿತಗೊಳಿಸಲು ಕೆಎಸ್ಆರ್ಟಿಸಿ ನಿರ್ಧರಿಸಿದೆ.
ಒಂದು ವರ್ಷದ ಹಿಂದೆ ರೆಡ್ಬಸ್ ಜೊತೆಗೂಡಿ ಕೆಎಸ್ಆರ್ಟಿಸಿ ಆನ್ಲೈನ್ ಟಿಕೆಟ್ ವಿತರಣಾ ಸೇವೆಯನ್ನು ಆರಂಭಿಸಿತ್ತು. ಕಳೆದ ತಿಂಗಳಿನಿಂದ ರೆಡ್ಬಸ್ ತಾಣದಲ್ಲಿ ಲಭ್ಯವಿದ್ದ ಈ ಸೇವೆಯನ್ನು ಕೆಎಸ್ಆರ್ಟಿಸಿ ಸ್ಥಗಿತಗೊಳಿಸಿದ್ದು, ಮುಂದಿನ ದಿನಗಳಲ್ಲಿ ಉಳಿದ ಖಾಸಗಿ ತಾಣಗಳಲ್ಲಿರುವ ಈ ಸೇವೆಯನ್ನು ಸ್ಥಗಿತಗೊಳಿಸಲು ಕೆಎಸ್ಆರ್ಟಿಸಿ ಚಿಂತನೆ ನಡೆಸಿದೆ.
ರೆಡ್ಬಸ್ ಸೇರಿದಂತೆ ಆನ್ಲೈನ್ ಟಿಕೆಟ್ ಸೇವೆ ನೀಡುವ ಕಂಪೆನಿಗಳು ಹೆಚ್ಚಾಗಿ ಖಾಸಗಿ ಕಂಪೆನಿಗಳಿಗೆ ಅನುಕೂಲ ಕಲ್ಪಿಸುತ್ತಿರುವ ಹಿನ್ನಲೆಯಲ್ಲಿ ಅವರೊಂದಿಗಿನ ಒಪ್ಪಂದ ರದ್ದುಮಾಡಲು ಕೆಎಸ್ಆರ್ಟಿಸಿ ನಿರ್ಧರಿಸಿದೆ ಎಂದು ನೆಕ್ಸ್ಟ್ಬಿಗ್ವಾಟ್ ತಾಣ ವರದಿ ಮಾಡಿದೆ.
ಮತ್ತಷ್ಟು ಪ್ರಯಾಣಿಕ ಸ್ನೇಹಿಯಾಗಲು ಕೆಎಸ್ಆರ್ಟಿಸಿ ನಿರ್ಧರಿಸಿದ್ದು ಡಿಜಿಟಲ್ ಕ್ಷೇತ್ರದಲ್ಲಿ ತನ್ನ ಮಾರುಕಟ್ಟೆಯನ್ನು ವಿಸ್ತರಿಸಲು ಮುಂದಾಗುತ್ತಿದೆ. ಈಗಾಗಲೇ ಆಂಡ್ರಾಯ್ಡ್ ಮತ್ತು ವಿಂಡೋಸ್ ಓಎಸ್ನಲ್ಲಿ ಆಪ್ಗಳನ್ನು ಬಿಡುಗಡೆ ಮಾಡಿದೆ.
ನಷ್ಟದಲ್ಲಿ
ಕೆಎಸ್ಆರ್ಟಿಸಿ:
ಕೆಎಸ್ಆರ್ಟಿಸಿ
2012-13ರಲ್ಲಿ
1.74
ಕೋಟಿ
ಆದಾಯ
ಗಳಿಸಿದ್ದ
ಕೆಎಸ್ಆರ್ಟಿಸಿ
2013-14ರಲ್ಲಿ
86.33
ಕೋಟಿ
ನಷ್ಟ
ಅನುಭವಿಸಿದೆ.
ಸುದ್ದಿ ಕೃಪೆ:nextbigwhat.com