ಕರ್ನಾಟಕದಲ್ಲಿ ಬಿಜೆಪಿ- ಕಾಂಗ್ರೆಸ್ ಸಮಬಲ: ಎನ್ಡಿಟಿವಿ

ಜಾತಿವಾರು ಸಮೀಕ್ಷೆಯಲ್ಲಿ ಯಾವ ಪಕ್ಷ ಮುಂದೆ

* ಬಿಜೆಪಿಗೆ ವೀರಶೈವ ಮತಗಳು ಶೇ.69, ಒಕ್ಕಲಿಗ ಶೇ.22, ಎಸ್ ‌ಸಿ ಶೇ.20, ಕುರುಬ ಮತಗಳು ಶೇ.17ರಷ್ಟು ಬರಲಿವೆ.

* ಕಾಂಗ್ರೆಸ್ ‌ಗೆ ವೀರಶೈವ ಮತಗಳು ಶೇ.13ರಷ್ಟು, ಒಕ್ಕಲಿಗ ಶೇ.20ರಷ್ಟು, ಪರಿಶಿಷ್ಟ ಜಾತಿ ಶೇ.63 ಹಾಗೂ ಕುರುಬ ಮತಗಳು ಶೇ.64ರಷ್ಟು ಬರುವ ಸಾಧ್ಯತೆಯಿದೆ.

* ಜೆಡಿಎಸ್ ‌ಗೆ ಶೇ.9ರಷ್ಟು ವೀರಶೈವ ಮತಗಳು, ಶೇ.44ರಷ್ಟು ಒಕ್ಕಲಿಗ, ಶೇ.22ರಷ್ಟು ಎಸ್ ‌ಸಿ-ಪರಿಶಿಷ್ಟ ಜಾತಿ ಹಾಗೂ ಶೇ.3ರಷ್ಟು ಕುರುಬ ಮತಗಳು ಬಂದರೆ
* ಅಲ್ಪಸಂಖ್ಯಾತ ಮತಗಳು ಕಾಂಗ್ರೆಸ್ ‌ಗೆ ಶೇ.67ರಷ್ಟು, ಜೆಡಿಎಸ್ ‌ಗೆ ಶೇ.10 ಹಾಗೂ ಬಿಜೆಪಿಗೆ ಶೇ.9ರಷ್ಟು ಬರಲಿವೆ.

ಯಡಿಯೂರಪ್ಪ ಆಗಮನದಿಂದ ಬಿಜೆಪಿಗೆ ಲಾಭ

* ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಬಿಜೆಪಿಗೆ ಮತ್ತೆ ಸೇರ್ಪಡೆಗೊಂಡಿರುವುದರಿಂದ ಪಕ್ಷಕ್ಕೆ ಹೆಚ್ಚಿನ ಬಲ ಬಂದಿದೆ. ಮುಂಬೈ ಕರ್ನಾಟಕ ಹಾಗೂ ಮಧ್ಯ ಕರ್ನಾಟಕದಲ್ಲಿ ಕಮಲ ಪಕ್ಷಕ್ಕೆ ಹೆಚ್ಚಿನ ಸ್ಥಾನ ಸಿಗುವ ಸಂಭವವಿದೆ.

* ಹೈದರಾಬಾದ್ ಕರ್ನಾಟಕ, ಮೈಸೂರು ಕರ್ನಾಟಕದಲ್ಲಿ ಕಾಂಗ್ರೆಸ್ ‌ಗೆ ಹೆಚ್ಚಿನ ಸ್ಥಾನ ಬಂದರೆ ಹಳೆ ಮೈಸೂರು ಭಾಗದಲ್ಲಿ ಜೆಡಿಎಸ್ ಮತ್ತು ಕಾಂಗ್ರೆಸ್ ನಡುವೆ ಜಿದ್ದಾಜಿದ್ದಿನ ಸ್ಪರ್ಧೆ ಇದೆ.

* ರಾಜಧಾನಿ ಬೆಂಗಳೂರಿನಲ್ಲಿ ಕಾಂಗ್ರೆಸ್ ಮತ್ತು ಬಿಜೆಪಿ ನಡುವೆ ಭಾರಿ ಸ್ಪರ್ಧೆ ಏರ್ಪಟ್ಟಿದ್ದು, ವಿಜಯಲಕ್ಷ್ಮಿ ಯಾರಿಗೆ ಒಲಿಯುತ್ತಾಳೆ ಎಂಬುದು ಊಹೆಗೂ ನಿಲುಕದ ಪ್ರಶ್ನೆಯಾಗಿದೆ.
ಚಿತ್ರದಲ್ಲಿ: ಏ.3ರಂದು ಪ್ರಕಟಗೊಂಡ ಸಮೀಕ್ಷಾ ವರದಿ ಚಿತ್ರ

ಬಿಜೆಪಿ, ಕಾಂಗ್ರೆಸ್, ಜೆಡಿಎಸ್ ಸ್ಥಾನಮಾನ

* 2009ರಲ್ಲಿ ಬಿಜೆಪಿ 19 ಸ್ಥಾನಗಳನ್ನು ಪಡೆದಿದ್ದರೆ, ಈ ಬಾರಿ ಆರು ಸ್ಥಾನಗಳನ್ನು ಕಳೆದುಕೊಳ್ಳಲಿದೆ. ಜೆಡಿಎಸ್ ಒಂದು ಸ್ಥಾನ ಕಳೆದುಕೊಂಡು 2 ಸೀಟು ಗಳಿಸಲಿದೆ.
* ಇದೇ ರೀತಿ ಉಪಚುನಾವಣೆ ಸೇರಿದಂತೆ 9 ಸ್ಥಾನ ಪಡೆದಿದ್ದ ಕಾಂಗ್ರೆಸ್ ಹೆಚ್ಚುವರಿಯಾಗಿ ನಾಲ್ಕು ಸ್ಥಾನಗಳನ್ನು ಪಡೆಯಲಿದೆ.
* ಒಟ್ಟು ಮತಗಳಿಕೆಯಲ್ಲಿ ಕಾಂಗ್ರೆಸ್ ಶೇ.40, ಬಿಜೆಪಿ ಶೇ.40 ಹಾಗೂ ಜೆಡಿಎಸ್ ಶೇ.13 ರಷ್ಟು ಮತ ಗಳಿಸಲಿದೆ.

ಚಿತ್ರದಲ್ಲಿ: ಏ.3ರಂದು ಪ್ರಕಟಗೊಂಡ ಸಮೀಕ್ಷಾ ವರದಿ ಚಿತ್ರ

ಒಟ್ಟು ಮತಗಳಿಕೆಯಲ್ಲಿ ಯಾವ ಪಕ್ಷ ಮುಂದೆ

ಮತಗಳಿಕೆಯಲ್ಲಿ ಬಿಜೆಪಿ ಕಳೆದ ಲೋಕಸಭೆ ಚುನಾವಣೆಯಲ್ಲಿ ಶೇ.42ರಷ್ಟು ಪಡೆದಿತ್ತು. ಈ ಬಾರಿ ಶೇ.2ರಷ್ಟನ್ನು ಕಳೆದುಕೊಳ್ಳಲಿದೆ. ಅಂದರೆ, ಕಮಲ ಪಕ್ಷ ಶೇ.40 ರಷ್ಟು ಪಡೆದರೆ ಕಾಂಗ್ರೆಸ್ ಶೇ.2ರಷ್ಟು ಅಧಿಕ ಮತವನ್ನು ಪಡೆಯಲಿದೆ.
2009ರಲ್ಲಿ ಕಾಂಗ್ರೆಸ್ ಶೇ.38ರಷ್ಟನ್ನು ಪಡೆದಿತ್ತು, ಈ ಬಾರಿ ಶೇ.40ರಷ್ಟು ಏರಿಕೆಯಾಗಲಿದೆ.

ಇದೇ ರೀತಿ ಜೆಡಿಎಸ್ 2009ರಲ್ಲಿ ಶೇ.14ರಷ್ಟು ಮತ ಪಡೆದು ಮೂರು ಸ್ಥಾನ ಪಡೆದಿತ್ತು. ಈ ಬಾರಿ ಶೇ.1ರಷ್ಟು ಮತಗಳನ್ನು ಕಳೆದುಕೊಂಡು ಶೇ.2 ಸ್ಥಾನಗಳನ್ನು ಪಡೆಯಲಿದೆ ಎಂದು ಸಮೀಕ್ಷೆಯಿಂದ ಬಹಿರಂಗಗೊಂಡಿದೆ.

ತೃತೀಯ ರಂಗದ ನೆರವು ಅಗತ್ಯ : ಎಚ್ ಡಿ ಕುಮಾರಸ್ವಾಮಿ

ಮುಖ್ಯಮಂತ್ರಿ ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ, ಬಿಎಸ್ ಯಡಿಯೂರಪ್ಪ ಅವರ ಅಭಿಮತ ಸಂಗ್ರಹಿಸಿದ ಎನ್ಡಿಟಿವಿ ಮುಖ್ಯಸ್ಥ ಪ್ರಣಯ್ ರಾಯ್ ಅವರು ಈ ಪ್ರತಿಕ್ರಿಯೆ ನಂತರ ಬಂದಿರುವ ಸಮೀಕ್ಷಾ ವರದಿ ಪ್ರಕಟಿಸಿದ್ದಾರೆ.

* ರಾಹುಲ್ ಗಾಂಧಿ ಹಾಗೂ ನರೇಂದ್ರ ಮೋದಿ ಇಬ್ಬರು ಪ್ರಧಾನಮಂತ್ರಿಯಾಗಲು ಅರ್ಹರಲ್ಲ, ಪಬ್ಲಿಸಿಟಿಯಿಂದ ಆಡಳಿತ ನಡೆಸಲು ಸಾಧ್ಯವಿಲ್ಲ. ಇದು ದೇಶದ ಭವಿಷ್ಯಕ್ಕೆ ಮಾರಕ ಎಂದು ಮಾಜಿ ಸಿಎಂ ಎಚ್ ಡಿ ಕುಮಾರಸ್ವಾಮಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಈ ಮೂಲಕ ಸರ್ಕಾರ ರಚನೆಯಲ್ಲಿ ತೃತೀಯ ರಂಗದ ನೆರವು ಅಗತ್ಯ ಎಂದು ಒತ್ತಿ ಹೇಳಿದ್ದಾರೆ.

ಬಿಜೆಪಿ -ಕಾಂಗ್ರೆಸ್ ಇಬ್ಬರು 20-20 ಸೀಟು

ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಮಾತನಾಡಿ, ಕರ್ನಾಟಕದಲ್ಲಿ ಜಾತಿ ರಾಜಕಾರಣ ಇದೇ ನಿಜ. ಆದರೆ, ಕಾಂಗ್ರೆಸ್ ಅಲ್ಪಸಂಖ್ಯಾತರಿಗೆ ಸಿಗಬೇಕಾದ ಸೌಲಭ್ಯ ನೀಡುವ ಮೂಲಕ ಅವರ ಮನ ಗೆದ್ದಿದೆ. ರಾಜ್ಯದಲ್ಲಿ ಮೋದಿ ಅಲೆ ತಂತ್ರ ಫಲಿಸುವುದಿಲ್ಲ. ಕಾಂಗ್ರೆಸ್ 18-20 ಸೀಟು ಗೆಲ್ಲಲಿದೆ ಎಂದಿದ್ದಾರೆ.
* ಬಿಎಸ್ ಯಡಿಯೂರಪ್ಪ ಅವರು ಶಿವಮೊಗ್ಗದಲ್ಲಿ ತಮ್ಮ ನಿವಾಸದಲ್ಲಿ ಎನ್ ಡಿಟಿವಿ ಪ್ರತಿನಿಧಿ ಜತೆ ಮಾತನಾಡಿ, ಕೇಂದ್ರದಲ್ಲಿ ಸಮರ್ಥ ನಾಯಕತ್ವದ ಅಗತ್ಯವಿದೆ. ಮೋದಿ ಅವರನ್ನು ಗೆಲ್ಲಿಸುವುದು ನಮ್ಮ ಉದ್ದೇಶ, ರಾಜ್ಯದಲ್ಲಿ 20 ಸೀಟು ಸುಲಭವಾಗಿ ಗೆಲ್ಲುತ್ತೇವೆ ಎಂದಿದ್ದಾರೆ.