17 ಘಟಾನುಘಟಿಗಳ ಹಣೆಬರಹ ಬುಧವಾರ ನಿರ್ಧಾರ

| Updated: Tuesday, April 29, 2014, 17:23 [IST]

ನವದೆಹಲಿ, ಏ 29: ಹದಿನಾರನೇ ಲೋಕಸಭೆಗೆ ನಡೆಯುತ್ತಿರುವ ಏಳನೇ ಹಂತದ ಚುನಾವಣೆಗೆ ಏಪ್ರಿಲ್ 30 ಬುಧವಾರ ಮುಹೂರ್ತ. ಏಳು ರಾಜ್ಯ ಮತ್ತು ಎರಡು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ವ್ಯಾಪಿಸಿಕೊಂಡಿರುವ ಒಟ್ಟು 89 ಲೋಕಸಭಾ ಕ್ಷೇತ್ರಗಳಲ್ಲಿ ಮತದಾನ.

ಬುಧವಾರದ ಮತದಾನದಲ್ಲಿ ಒಟ್ಟು 139 ದಶಲಕ್ಷ ಮತದಾರರಿದ್ದು 1200 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ಚುನಾವಣೆ ನಡೆಯುತ್ತಿರುವ ಪ್ರದೇಶಗಳು ಹೀಗಿವೆ: ಆಂಧ್ರಪ್ರದೇಶ (17), ಬಿಹಾರ (7) ಗುಜರಾತ್ (26) ಜಮ್ಮು ಮತ್ತು ಕಾಶ್ಮೀರ (1), ಪಂಜಾಬ್ (13), ಉತ್ತರಪ್ರದೇಶ (14) , ಪಶ್ಚಿಮ ಬಂಗಾಳ (9) , ಕೇಂದ್ರಾಡಳಿತ ಪ್ರದೇಶ ದಾದ್ರ ಮತ್ತು ನಗರಹವೇಲಿ, ದಿಯು ಮತ್ತು ದಮನ್ ತಲಾ ಒಂದು ಕ್ಷೇತ್ರ.

ಲೋಕಸಭೆಯ ಜೊತೆಗೆ ತೆಲಂಗಾಣದ 119 ವಿಧಾನಸಭಾ ಕ್ಷೇತ್ರಗಳಲ್ಲೂ ಬುಧವಾರವೇ ಚುನಾವಣೆ ನಡೆಯಲಿದೆ. ಇದಲ್ಲದೇ, ಬಿಹಾರ (1), ಗುಜರಾತ್ (7), ಉತ್ತರಪ್ರದೇಶ (2) ಮತ್ತು ಪಶ್ಚಿಮಬಂಗಾಲದ ಒಂದು ಕ್ಷೇತ್ರದಲ್ಲಿ ವಿಧಾನಸಭೆಗೆ ಮರುಚುನಾವಣೆ ನಡೆಯುತ್ತದೆ.

ಎಐಸಿಸಿ ಅಧ್ಯಕ್ಷೆ ಸೋನಿಯಾ ಗಾಂಧಿ, ಬಿಜೆಪಿ ಅಧ್ಯಕ್ಷ ರಾಜನಾಥ್ ಸಿಂಗ್, ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ, ಹಿರಿಯ ಮುಖಂಡರಾದ ಎಲ್ ಕೆ ಅಡ್ವಾಣಿ, ಮುರಳಿ ಮನೋಹರ್ ಜೋಷಿ, ಜೈಪಾಲ್ ರೆಡ್ಡಿ ಸೇರಿದಂತೆ ಘಟಾನುಘಟಿಗಳ ಬುಧವಾರ ನಿರ್ಧಾರವಾಗಲಿದೆ.

ಎಲ್ಲರ ಕಣ್ಣು ಪ್ರಪ್ರಥಮ ಬಾರಿಗೆ ನಡೆಯುತ್ತಿರುವ ತೆಲಂಗಾಣ ವಿಧಾನಸಭೆಯ ಚುನಾವಣೆಯ ಮೇಲೆ ನೆಟ್ಟಿದೆ. ಇದಲ್ಲದೇ, ಬುಧವಾರದ ಚುನಾವಣೆಯಲ್ಲಿ ಲೋಕಸಭಾ ಸದಸ್ಯತ್ವಕ್ಕೆ ಲಗೋರಿ ಹೂಡಿರುವ ಹದಿನೇಳು ಖ್ಯಾತನಾಮರ ಮೇಲೆ ಬಿದ್ದಿದೆ. ಈ ಹದಿನೇಳು ಮಂದಿ ಯಾರು? ಯಾರ್ಯಾರ ಜಾತಕದಲ್ಲಿ ಏನೇನು ಬರೆದಿದೆಯೋ ಮತದಾರ ಬ್ರಹ್ಮನಿಗೆ ಗೊತ್ತು. ಅದು ಹೇಗೂ ಇರಲಿ, ಈ ಖ್ಯಾತನಾಮರ ಪರಿಚಯ ಮಾಡಿಕೊಳ್ಳೋಣ ಬನ್ನಿ..

ಬುಧವಾರ ಮತದಾನ

ಏಪ್ರಿಲ್ 30ರಂದು 89 ಲೋಕಸಭಾ ಕ್ಷೇತ್ರಕ್ಕೆ ಚುನಾವಣೆ ನಡೆಯಲಿದೆ. ಕೆಂಪು ಕಲರಿನಲ್ಲಿ ಹೈಲೈಟ್ ಮಾಡಿರುವ ರಾಜ್ಯಗಳಲ್ಲಿ ಬುಧವಾರ ಮತದಾನ ನಡೆಯಲಿದೆ.

ಸೋನಿಯಾ ಗಾಂಧಿ

ಉತ್ತರಪ್ರದೇಶದ ರಾಯಬರೇಲಿ

ಕಣದಲ್ಲಿರುವ ಪ್ರಮುಖರು
ಕಾಂಗ್ರೆಸ್ : ಸೋನಿಯಾ ಗಾಂಧಿ
ಬಿಜೆಪಿ : ಅಜಯ್ ಅಗರ್ವಾಲ್
ಬಿಎಸ್ಪಿ : ಪ್ರವೇಶ್ ಸಿಂಗ್
ಆಮ್ ಆದ್ಮಿ: ಅರ್ಚನಾ ಶ್ರೀವಾಸ್ತವ್

ರಾಜನಾಥ್ ಸಿಂಗ್

ಉತ್ತರಪ್ರದೇಶದ ಲಕ್ನೋ

ಕಣದಲ್ಲಿರುವ ಪ್ರಮುಖರು
ಕಾಂಗ್ರೆಸ್ : ರೀಟಾ ಬಹುಗುಣ ಜೋಷಿ
ಬಿಜೆಪಿ : ರಾಜನಾಥ್ ಸಿಂಗ್
ಆಮ್ ಆದ್ಮಿ: ಜಾವೇದ್ ಜಾಫ್ರಿ

ಮುರಳಿ ಮನೋಹರ್ ಜೋಷಿ

ಉತ್ತರಪ್ರದೇಶದ ಕಾನ್ಪುರ

ಕಣದಲ್ಲಿರುವ ಪ್ರಮುಖರು
ಕಾಂಗ್ರೆಸ್ : ಶ್ರೀಪ್ರಕಾಶ್ ಜೈಸ್ವಾಲ್
ಬಿಜೆಪಿ : ಮುರಳಿ ಮನೋಹರ್ ಜೋಷಿ
ಆಮ್ ಆದ್ಮಿ: ಡಾ. ಮೊಹಮ್ಮದ್ ಹುಸೇನ್ ರೆಹಮಾನಿ
ಬಿಎಸ್ಪಿ : ಸಲೀಂ ಅಹಮದ್
ಎಸ್ಪಿ : ಸುರೇಂದ್ರ ಮೋಹನ್ ಅಗರ್ವಾಲ್