ಎರಡೇ ದಿನದಲ್ಲಿ ಮೋದಿ ಸರಕಾರದಲ್ಲಿ ಇದೇನು ಅಪಸ್ವರ?

ರಾಮದಾಸ್ ಅಥವಾಳೆ

NDA ಮೈತ್ರಿಕೂಟದ ಇನ್ನೊಂದು ಅಂಗಪಕ್ಷವಾದ ರಿಪಬ್ಲಿಕ್ ಪಾರ್ಟಿ ಆಫ್ ಇಂಡಿಯಾದ ರಾಜ್ಯಸಭಾ ಸದಸ್ಯ ರಾಮದಾಸ್ ಅಥವಾಳೆ ಕೂಡಾ ಸಚಿವ ಸ್ಥಾನದಿಂದ ವಂಚಿತರಾಗಿದ್ದಾರೆ. ಇವರಿಗೆ ಸಚಿವ ಸ್ಥಾನಕ್ಕಾಗಿ ಭಾರೀ ಲಾಬಿ ನಡೆಸಲಾಗಿತ್ತು. ಆದಾಗ್ಯೂ, ಅಥವಾಳೆಗೆ ಸಚಿವ ಸ್ಥಾನ ನೀಡದೇ ಇರುವುದು ಮೈತ್ರಿಕೂಟದಲ್ಲಿ ಸಣ್ಣ ಬಿರುಕಿಗೆ ಕಾರಣವಾಗಿದೆ. (ಚಿತ್ರದಲ್ಲಿ ರಾಮದಾಸ್ ಅಥವಾಳೆ)

ಶಿವಸೇನೆ ಬಯಸಿದ್ದೆಷ್ಟು?

ಹದಿನೆಂಟು ಸಂಸದರನ್ನು ಹೊಂದಿರುವ ಶಿವಸೇನೆ ಕನಿಷ್ಠ ನಾಲ್ಕರಿಂದ ಐದು ಸಚಿವ ಸ್ಥಾನದ ನಿರೀಕ್ಷೆಯಲ್ಲಿತ್ತು. ಜೊತೆಗೆ ತಾನು ಬಯಸುವ ಎರಡು ರಾಜ್ಯದ ರಾಜ್ಯಪಾಲರ ಸ್ಥಾನವನ್ನು ಬಯಸಿತ್ತು. ಆದರೆ ಮೋದಿ ಕೇವಲ ಒಂದು ಸ್ಥಾನ ನೀಡಿರುವುದರಿಂದ ಶಿವಸೇನೆ ತೀವ್ರ ನಿರಾಶೆಗೆ ಒಳಗಾಗಿದೆ. (ಚಿತ್ರದಲ್ಲಿ ಸಂಸದ ಅನಂತ ಗೀತೆ)

ತೆಲುಗುದೇಶಂ

ತೆಲುಗುದೇಶಂ ಹದಿನಾರು ಸಂಸದರನ್ನು ಹೊಂದಿದೆ. ಆದರೂ ಟಿಡಿಪಿ ಸಂಸದ ಅಶೋಕ್ ಗಜಪತಿ ರಾಜು ಅವರಿಗೆ ಪ್ರಭಾವಿ ನಾಗರಿಕ ವಿಮಾನಯಾನ ಖಾತೆಯನ್ನು ನೀಡಲಾಗಿದೆ ಮತ್ತು RLSP ಪಕ್ಷದ ಉಪೇಂದ್ರ ಕುಶ್ವಾಹ ಅವರಿಗೆ ಗ್ರಾಮೀಣಾಭಿವೃದ್ಧಿ, ಪಂಚಾಯತ್ ರಾಜ್, ಕುಡಿಯುವ ನೀರು ಮತ್ತು ನಿರ್ಮಲೀಕರಣ ಖಾತೆಯನ್ನು ನೀಡಿರುವುದು ಶಿವಸೇನೆಯ ಸಿಟ್ಟಿಗೆ ಇನ್ನೊಂದು ಕಾರಣ.

ಅಟಲ್ ಸರಕಾರದಲ್ಲಿ

ಅಟಲ್ ಬಿಹಾರಿ ವಾಜಪೇಯಿ ಸರಕಾರದಲ್ಲಿ ಶಿವಸೇನೆಗೆ ವಿದ್ಯುತ್, ಹಣಕಾಸು ರಾಜ್ಯ ಸಚಿವ ಸ್ಥಾನದ ಜೊತೆ ಒಟ್ಟು ಮೂರು ಸ್ಥಾನ ನೀಡಲಾಗಿತ್ತು. ಪಕ್ಷದ ಸಂಸದ ಮನೋಹರ್ ಜೋಷಿ ಲೋಕಸಭೆಯ ಸ್ಪೀಕರ್ ಕೂಡಾ ಆಗಿದ್ದರು. ಈಗ 18 ಸಂಸದರನ್ನು ಹೊಂದಿದ್ದರೂ ಕೇವಲ ಒಂದು ಸಚಿವ ಸ್ಥಾನ ನೀಡಿರುವುದು ಶಿವಸೇನೆಗೆ ನಿರಾಶೆ ತಂದಿದೆ.

ಮೋದಿ ಭೇಟಿ

ಬುಧವಾರ (ಮೇ 28) ಉದ್ಧವ್ ಠಾಕ್ರೆ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟೀಯಾಗಿ ತಮ್ಮ ಬೇಡಿಕೆಗಳನ್ನು ಮಂಡಿಸುವ ಸಾಧ್ಯತೆಯಿದೆ ಎಂದು ವರದಿಯಾಗಿದೆ.