ಮದ್ವೆ ಬಚ್ಚಿಟ್ಟ ವಿವಾದ: ನರೇಂದ್ರ ಮೋದಿಗೆ ಕ್ಲೀನ್ ಚಿಟ್
ಅಹಮದಾಬಾದ್, ಮೇ.23: ಲೋಕಸಭೆ ಚುನಾವಣೆ ವೇಳೆ ವಡೋದರಾದಲ್ಲಿ ಬಿಜೆಪಿ ಅಭ್ಯರ್ಥಿ ನರೇಂದ್ರ ಮೋದಿ ಅವರು ನಾಮಪತ್ರ ಸಲ್ಲಿಸುತ್ತಿದ್ದಂತೆ ವಿಪಕ್ಷಗಳು ನಾಮಪತ್ರದಲ್ಲಿ ಪತ್ನಿ ಹೆಸರು ನಮೂದಿಸಿಲ್ಲ ಎಂದು ಟೀಕಿಸಿದ್ದು ನಿಮಗೆ ನೆನಪಿರಬಹುದು. ಇದೇ ರೀತಿ ವಿಧಾನಸಭೆ ಚುನಾವಣೆಯಲ್ಲೂ ಮೋದಿ ವೈವಾಹಿಕ ಮಾಹಿತಿ ನೀಡಿರಲಿಲ್ಲ, ಈ ಪ್ರಕರಣದಲ್ಲಿ ಮೋದಿ ಅವರಿಗೆ ಈಗ ಕ್ಲೀನ್ ಚಿಟ್ ಸಿಕ್ಕಿದೆ.
2012ರ
ವಿಧಾನಸಭೆ
ಚುನಾವಣೆ
ವೇಳೆ
ಮಣಿನಗರ
ಕ್ಷೇತ್ರದಿಂದ
ಸ್ಪರ್ಧಿಸಿದ್ದ
ನರೇಂದ್ರ
ಮೋದಿ
ಅವರು
ಚುನಾವಣಾ
ಅಫಿಡವಿಟ್ನಲ್ಲಿ
ವೈವಾಹಿಕ
ಮಾಹಿತಿ
ನೀಡದೇ
ಇದ್ದ
ಪ್ರಕರಣದಲ್ಲಿ
ಪೊಲೀಸರು
ಕ್ಲೀನ್ಚಿಟ್
ನೀಡಿದ್ದಾರೆ.
ವೈವಾಹಿಕ
ಮಾಹಿತಿ
ನೀಡದೆ
ನರೇಂದ್ರ
ಮೋದಿ
ಯಾವುದೇ
ತಪ್ಪೆಸಗಿಲ್ಲ
ಎಂದು
ಸ್ಥಳೀಯ
ಕೋರ್ಟ್ಗೆ
ಸಲ್ಲಿಸಿದ
ವರದಿಯಲ್ಲಿ
ಅಭಿಪ್ರಾಯಪಟ್ಟಿದ್ದಾರೆ.
2012ರ ವಿಧಾನಸಭೆ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದ ವೇಳೆ ನರೇಂದ್ರ ಮೋದಿ ವೈವಾಹಿಕ ಮಾಹಿತಿ ನೀಡುವ ಕಾಲಂ ಅನ್ನು ಭರ್ತಿ ಮಾಡಿರಲಿಲ್ಲ. ಆದರೆ ಪ್ರಸಕ್ತ ಸಾಲಿನ ಚುನಾವಣೆಯಲ್ಲಿ ತಾನು ವಿವಾಹಿತ ಎಂದು ಮಾಹಿತಿ ನೀಡಿದ್ದರು. ಮೋದಿಯವರು 2012ರ ವಿಧಾನಸಭೆ ಚುನಾವಣೆಯಲ್ಲಿ ವೈವಾಹಿಕ ಮಾಹಿತಿ ನೀಡದೆ ವಂಚಿಸಿದ್ದಾರೆ. ಈ ಬಗ್ಗೆ ಕ್ರಮ ಕೈಗೊಳ್ಳಬೇಕು ಎಂದು ಮುಖಂಡ ನಿಶಾಂತ್ ವರ್ಮ ದೂರು ನೀಡಿದ್ದರು.
ಗುಜರಾತ್ನ ವಡೋದರಾ ಕ್ಷೇತ್ರದಿಂದ ಬಿಜೆಪಿ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸುವಾಗ ಘೋಷಿಸಿದ್ದ ಪ್ರಮಾಣಪತ್ರದಲ್ಲಿ ಅವರು ತಾವು 'ವಿವಾಹಿತ' ಎಂದು ನಮೂದಿಸಿದ್ದರು. ಜಶೋದಾಬೆನ್ ಚಮನ್ಲಾಲ್ ಅವರು ತಮ್ಮ ಪತ್ನಿ ಎಂದೂ ಘೋಷಿಸಿಕೊಂಡಿದ್ದಾರೆ. ಆದರೆ, ನಾಮಪತ್ರದಲ್ಲಿ ಪತ್ನಿ ಹೆಸರು ನಮೂದಿಸಿರಲಿಲ್ಲ.
ಈ ಹಿಂದೆ, ನಾಲ್ಕು ಚುನಾವಣೆಗಳಲ್ಲಿ ಸಲ್ಲಿಸಿದ್ದ ಪ್ರಮಾಣ ಪತ್ರದಲ್ಲಿ ಅವರು ವೈವಾಹಿಕ ಸ್ಥಿತಿ ಅಂಕಣವನ್ನು ಖಾಲಿ ಬಿಟ್ಟಿದ್ದರು. 45 ವರ್ಷಗಳ ಹಿಂದೆ ನಡೆದ ಮದುವೆಯ ಬಗ್ಗೆ ಮೋದಿ ಅವರು ಅಧಿಕೃತವಾಗಿ ಒಪ್ಪಿಕೊಂಡಿದ್ದರು. ಇದನ್ನೇ ಅಸ್ತ್ರವಾಗಿ ಬಳಸಿಕೊಂಡು ವಿಪಕ್ಷಗಳು ಮೋದಿ ಅವರ ವಿರುದ್ಧ ಚುನಾವಣಾ ಪ್ರಚಾರ ಆರಂಭಿಸಿದ್ದವು. ಒಟ್ಟಾರೆ, ಅವಿವಾಹಿತರು ಎಂದು ಸಾರ್ವಜನಿಕವಾಗಿ ಬಿಂಬಿಸಿಕೊಂಡಿದ್ದ ಮೋದಿ ಹಾಗೂ ರಾಹುಲ್ ಗಾಂಧಿ ಅವರು ದೇಶದ ಉನ್ನತ ಪಟ್ಟಕ್ಕಾಗಿ ಮುಖಾಮುಖಿಯಾಗಿದ್ದರಿಂದ ಈ ಬಾರಿಯ ಲೋಕಸಭಾ ಚುನಾವಣೆ ಕಳೆಕಟ್ಟಿತ್ತು. (ಪಿಟಿಐ)