ದಲ್ ಬೀರ್ ಸಿಂಗ್ ಸುಹಾಗ್ ಹೊಸ ಭೂಸೇನಾ ಮುಖ್ಯಸ್ಥ

ಸುಬೇದಾರ್ ಪುತ್ರ ಈಗ ಭೂಸೇನಾ ಮುಖ್ಯಸ್ಥ

ಸೇನೆಯಲ್ಲಿ Cavalry ರೆಜಿಮೆಂಟಿನ ಮುಖ್ಯ ಸುಬೇದಾರ್ ಆಗಿ ನಿವೃತ್ತಿ ಹೊಂದಿದ ರಾಮ್ ಪಾಲ್ ಸಿಂಗ್ ಸುಹಾಗ್ ಅವರು ಹೊಸ ಭೂಸೇನಾ ಮುಖ್ಯಸ್ಥ ದಲ್ ಬೀರ್ ಅವರ ತಂದೆ.

ದೇಶ ಸೇವೆಗೆ ಮುಡಿಪಾದ ಕುಟುಂಬ

ಸುಹಾಗ್ ಕುಟುಂಬ ಈ ಹಿಂದೆ ಕೂಡಾ ಜ್ಯೂನಿಯರ್ ಶ್ರೇಣಿಯ ಅಧಿಕಾರಿಗಳನ್ನು ಕಂಡಿದೆ. ದಲ್ ಬೀರ್ ಅವರು ದೆಹಲಿ ವಿವಿಯಲ್ಲಿ ರಾಜ್ಯಶಾಸ್ತ್ರ ಓದಿರುವ ನಮಿತಾ ಅವರನ್ನು ವರಿಸಿದ್ದಾರೆ.

ಜಾತ್ ಕುಟುಂಬದಿಂದ ಬಂದಿರುವ ಸುಹಾಗ್

ಹರ್ಯಾಣದ ಜಜ್ ಹಾರ್ ಜಿಲ್ಲೆಯ ಬಿಷನ್ ಗ್ರಾಮದ ಜಾತ್ ಕುಟುಂಬದಿಂದ ಸುಹಾಗ್ ಬಂದವರಾಗಿದ್ದಾರೆ.

ಆರ್ಮಿ ಸ್ಕೂಲ್ ನಲ್ಲಿ ಶಿಕ್ಷಣ

ಬಿಷನ್ ಗ್ರಾಮದಲ್ಲೇ ಪ್ರಾಥಮಿಕ ಶಿಕ್ಷಣ ಪಡೆದುಕೊಂಡ ಸುಹಾಗ್ ಅವರು ರಾಜಸ್ಥಾನದ ಚಿತ್ತೋರ್ ಘರ್ ಜಿಲ್ಲೆಯ ಆರ್ಮಿ ಸ್ಕೂಲ್ ನಲ್ಲಿ ನಂತರ ವಿದ್ಯಾಭ್ಯಾಸ ಮುಂದುವರೆಸಿದರು.

ಡಿಫೆನ್ಸ್ ಅಕಾಡೆಮಿಯ ಸದಸ್ಯರಾದರು

1970ರಲ್ಲಿ ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿಯ ಸದಸ್ಯರಾಗಿ ಆಯ್ಕೆಯಾದರು. 1974ರಲ್ಲಿ 5 ಗೋರ್ಖಾ ರೈಫಲ್ಸ್ ನ 5ನೇ ಬೆಟಾಲಿಯನ್ ನ ಅಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸಿದರು.

ದಲ್ ಬೀರ್ ಸಿಂಗ್ ಪ್ರಮುಖ ಸಾಧನೆಗಳು

ಸುಹಾಗ್ ಅವರು ಶ್ರೀಲಂಕಾದಲ್ಲಿ ನಡೆದ ಆಪರೇಷನ್ ಪವನ್ ನ ಕಂಪನಿ ಕಮ್ಯಾಂಡರ್ ಅಗಿದ್ದರು. 53 ಇನ್ಫ್ರಾಂಟ್ರಿ ಬ್ರಿಗೇಡ್ ಮುನ್ನಡೆಸಿದ್ದರು.

ಶ್ರಮ ಜೀವಿ, ಖಡಕ್ ಅಧಿಕಾರಿ ಸುಹಾಗ್

ಸುಹಾಗ್ ಅವರು ದೈಹಿಕ ಕ್ಷಮತೆ ಬಗ್ಗೆ ಹೆಚ್ಚಿನ ಕಾಳಜಿವಹಿಸುತ್ತಾರೆ. ಪ್ರತಿ ನಿತ್ಯ ತಪ್ಪದೇ 10 ಕಿ.ಮೀ ಓಡುತ್ತಾರೆ. ಬಿಡುವಿದ್ದಾಗ ಗಾಲ್ಫ್ ಆಡುತ್ತಾರೆ. 6 ಅಡಿ 1 ಇಂಚಿರುವ ಸುಹಾಗ್ ಅವರ ತೂಕ 75 ಕೆಜಿ.

ದೇಶಿ ತುಪ್ಪ, ಮನೆಯಲ್ಲಿ ಮಾಡಿದ ಅಡುಗೆ ಇಷ್ಟಪಡುತ್ತಾನೆ ಎಂದು ಸುಹಾಗ್ ಅವರ ತಾಯಿ ಇಶ್ರಿ ದೇವಿ ಹೇಳಿದ್ದಾರೆ.