ಮೋದಿ, ಷರೀಫ್ ಭೇಟಿ ಮತ್ತು ವಿದೇಶಿ ಮಾಧ್ಯಮ

ದಿ ನೇಶನ್ (ಪಾಕಿಸ್ತಾನ)

ನಮ್ಮ ಜೊತೆ ಇಂದು ಪಾಕ್ ಪ್ರಧಾನಿ ನವಾಬ್ ಷರೀಫ್ ಕೆಲವೊಂದು ಭಾವನಾತ್ಮಕ ಸನ್ನಿವೇಶಗಳನ್ನು ಹಂಚಿಕೊಂಡರು ಎಂದು ಮೋದಿ ಟ್ವೀಟ್ ಮಾಡಿದ್ದಾರೆ.

ಅಲ್ ಜಜೀರಾ (ಕತಾರ್)

ಭಾರತದ ನೂತನ ಪ್ರಧಾನಿ ಮೋದಿ ಮತ್ತು ಪಾಕ್ ಪ್ರಧಾನಿ ಷರೀಫ್ ದ್ವಿಪಕ್ಷೀಯ ಸಂಬಂಧ ಸುಧಾರಣೆಯ ನಿಟ್ಟಿನಲ್ಲಿ ಸೌಹಾರ್ದಯುತ ಮಾತುಕತೆಗೆ ಮುಂದಾಗುವ ಮೂಲಕ ಹೊಸ ಶಕೆ ಆರಂಭ?

ವಾಷಿಂಗ್ಟನ್ ಪೋಸ್ಟ್ (ಅಮೆರಿಕಾ)

ಭಾರತದ ಪ್ರಧಾನಿಯಿಂದ ವಿರೋಧಿ ರಾಷ್ಟ್ರದ ಪ್ರಧಾನಿಯ ಭೇಟಿ. ಪ್ರಧಾನಮಂತ್ರಿಯಾಗಿ ಅಧಿಕಾರ ಸ್ವೀಕಾರ ತೆಗೆದುಕೊಂಡ ಮರುದಿನವೇ ನೆರೆರಾಷ್ಟ್ರಗಳ ನಾಯಕರನ್ನು ಭೇಟಿ ಮಾಡಿದ ಮೋದಿ.

ದಿ ಡಾನ್ (ಪಾಕಿಸ್ತಾನ)

ಭರವಸೆ ಮತ್ತು ಕಾಶ್ಮೀರ - ಮೋದಿ ಪ್ರಮಾಣವಚನ ಕಾರ್ಯಕ್ರಮದ ಆಹ್ವಾನವನ್ನು ಷರೀಫ್ ಒಪ್ಪಿದ ನಂತರ ಪಿಓಕೆ ಭಾಗದಲ್ಲಿ ಮಾತುಕತೆಯ ಮೂಲಕ ಎರಡೂ ರಾಷ್ಟ್ರಗಳ ನಡುವಿನ ಭಿನ್ನಾಭಿಪ್ರಾಯ ಅಂತಿಮವಾಗುವ ಮುನ್ಸೂಚನೆ.

ದಿ ನ್ಯೂಯಾರ್ಕ್ ಟೈಮ್ಸ್ (ಅಮೆರಿಕಾ)

ಭಾರತ ಬ್ರಿಟಿಷರ ಆಳ್ವಿಕೆಯಲ್ಲಿದ್ದ ಸಮಯದಲ್ಲಿ ಕಟ್ಟಲಾದ ಅದ್ಭುತ ಕಟ್ಟಡ, ಕಾರ್ಪೋರೇಟ್ ದಿಗ್ಗಜರು, ಬಾಲಿವುಡ್ ಕಲಾವಿದರು, ಕೇಸರಿ ಬಟ್ಟೆ ಧರಿಸಿದ ಸಂತರ ನಡುವೆ ಟೀ ಮಾರುವ ಹಿನ್ನಲೆಯ ನರೇಂದ್ರ ಮೋದಿಯಿಂದ ಪ್ರಮಾಣವಚನ.

ದಿ ಟ್ರಿಬ್ಯೂನ್ (ಪಾಕಿಸ್ತಾನ)

ಮುಖ್ಯಮಂತ್ರಿಯಿಂದ ಪ್ರಧಾನಿಯವರೆಗೆ ಮೋದಿ ಬೆಳೆದು ಬಂದ ದಾರಿ ಅದ್ಭುತ. ಗುಜರಾತಿನಲ್ಲಿನ ತನ್ನ ಹದಿಮೂರು ವರ್ಷದ ಆಡಳಿತದಲ್ಲಿ ರಾಜಕೀಯಕ್ಕಿಂತ ಹೆಚ್ಚಾಗಿ ವಾಣಿಜ್ಯದ ಅಭಿವೃದ್ದಿಗೆ ಹೆಚ್ಚಿನ ಒತ್ತು ನೀಡಿದ ಮೋದಿ ದೇಶದ ಅಭಿವೃದ್ದಿಗೆ ಯಾವ ರೀತಿ ಮುಂದಾಗುತ್ತಾರೆಂದು ನೋಡಬೇಕಿದೆ.

ಡೈಲಿ ಮಿರರ್ (ಶ್ರೀಲಂಕಾ)

ಮೋದಿ - ರಾಜಪಕ್ಷೆ ಮಾತುಕತೆ. ಎರಡು ರಾಷ್ಟ್ರಗಳ ನಡುವಿನ ಪರಿಹಾರ ಕಾಣಬೇಕಾಗಿರುವ ಸಮಸ್ಯೆಗಳು, ಪ್ರಮುಖವಾಗಿ ಮೀನುಗಾರರ ಸಮಸ್ಯೆಗೆ ಸೌಹಾರ್ದಯುತ ಪರಿಹಾರದ ಬಗ್ಗೆ ಮಾತುಕತೆ.

ಪ್ರಥೋಮ್ ಅಲೋ (ಬಾಂಗ್ಲಾದೇಶ)

ಸಾರ್ಕ್ ದೇಶವನ್ನು ಆಹ್ವಾನಿಸುವ ಮೂಲಕ ನರೇಂದ್ರ ಮೋದಿ ಪ್ರಸಕ್ತ ರಾಜಕೀಯ ವ್ಯವಸ್ಥೆಗೆ ಒಂದು ಉದಾಹರಣೆಯಾಗಿದ್ದಾರೆ.