ಹುಬ್ಬಳ್ಳಿ ಮಂದಿಗೆ ಮಟನ್ ತಿನ್ನೋ ಭಾಗ್ಯವಿಲ್ಲ!
ಹುಬ್ಬಳ್ಳಿ, ಆ.27 : ಮಟನ್ ತಿನ್ನಬೇಕು ಅಂದುಕೊಳ್ಳುವ ಹುಬ್ಬಳ್ಳಿ ಜನರಿಗೆ ನಿರಾಸೆ ಕಾದಿದೆ. ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆ ವಿರುದ್ಧ ಪ್ರತಿಭಟನೆ ನಡೆಸುತ್ತಿರುವ ಕುರಿ ಮಾಂಸ ಮಾರಾಟಗಾರರು ಮಂಗಳವಾರದಿಂದ ಮಾಂಸದಂಗಡಿ ಬಂದ್ ಮಾಡಿದ್ದಾರೆ.
ಮಹಾನಗರ
ಪಾಲಿಕೆಯ
ವಧಾಲಯ
ಟೆಂಡರ್
ನೀಡುವುದರಲ್ಲಿ
ಸರಿಯಾದ
ಕ್ರಮ
ಅನುಸರಿಸಿಲ್ಲ
ಎಂದು
ಆರೋಪಿಸಿರುವ
ಅಂಗಡಿ
ಮಾಲೀಕರು,
ಪಾಲಿಕೆ
ವಿರುದ್ಧ
ಪ್ರತಿಭಟನೆ
ಆರಂಭಿಸಿದ್ದಾರೆ.
ಇದರಿಂದ
ಮಟನ್
ತಿನ್ನುವ
ಜನರ
ಆಸೆಗೆ
ತಣ್ಣೀರು
ಸುರಿದಂತಾಗಿದೆ.
ಹುಬ್ಬಳ್ಳಿ ನಗರ ವ್ಯಾಪ್ತಿಯ ವಾರ್ಡ್ ನಂ.49ರಲ್ಲಿ ಪಾಲಿಕೆಗೆ ಸೇರಿದ ವಧಾಲಯವಿದೆ. ಟೆಂಡರ್ ಮೂಲಕ ಇದನ್ನು ವ್ಯಾಪಾರಸ್ಥರಿಗೆ ಹಂಚಿಕೆ ಮಾಡಲಾಗುತ್ತಿತ್ತು. ಮೂರು ವರ್ಷಗಳಿಂದ ಈ ಪದ್ಧತಿ ಜಾರಿಯಲ್ಲಿತ್ತು. ಆದರೆ, ಈ ಬಾರಿ ಟೆಂಡರ್ ಕರೆದಾಗ ಅದನ್ನು ಸರಿಯಾಗಿ ವಿತರಣೆ ಮಾಡಿಲ್ಲ ಎಂದು ಹುಬ್ಬಳ್ಳಿ ಮಟನ್ ಮಾರಾಟಗಾರರ ಸಂಘ ಆರೋಪಿಸಿದ್ದು, ಅಂಗಡಿಗಳನ್ನು ಮುಚ್ಚಿ ಪ್ರತಿಭಟನೆ ನಡೆಸುತ್ತಿದ್ದಾರೆ.
ಈ ಬಾರಿ ಮಹಾನಗರ ಪಾಲಿಕೆ ಟೆಂಡರ್ಅನ್ನು ಆದರ್ಶ ಎಂಟರ್ಪ್ರೈಸಸ್ ಎಂಬ ಸಂಸ್ಥೆಗೆ ನೀಡಿದೆ. ಇದರಿಂದಾಗಿ ಕುಲಕಸುಬಾಗಿ ಮಟನ್ ಮಾರುತ್ತಾ ಬಂದ ಹುಬ್ಬಳ್ಳಿ ಮಟನ್ ಮಾರಾಟಗಾರರ ಸಂಘದವರು ಟೆಂಡರ್ನಿಂದ ವಂಚಿತರಾಗಿದ್ದು, ಪ್ರತಿಭಟನೆಯ ಹಾದಿ ಹಿಡಿದಿದ್ದಾರೆ.
ಪಾಲಿಕೆ ನಿಯಮದಂತೆ ಕುರಿಯೊಂದನ್ನು ವಧಿಸಲು ರು.10 ಪಡೆಯಬೇಕೆಂಬ ನಿಯಮವಿದ್ದರೂ ಹೊಸದಾಗಿ ಟೆಂಡರ್ ಪಡೆದವರು ಅಕ್ರಮವಾಗಿ ರು.20 ಪಡೆಯುತ್ತಿದ್ದಾರೆ ಎಂದು ವ್ಯಾಪಾರಸ್ಥರು ಆರೋಪಿಸುತ್ತಿದ್ದಾರೆ. ಆದ್ದರಿಂದ ವ್ಯಾಪಾರಸ್ಥರಿಗೆ ನ್ಯಾಯ ದೊರಕಿಸಿ ಕೊಡಿ ಎಂದು ಪ್ರತಿಭಟನೆಯ ಹಾದಿ ಹಿಡಿದಿದ್ದಾರೆ.