ವಿಮಾ ಕ್ಷೇತ್ರದಲ್ಲಿ ಶೇ 49ರಷ್ಟು ಎಫ್ ಡಿಐಗೆ ಅಸ್ತು
ನವದೆಹಲಿ, ಜು.24: ಪ್ರಧಾನಿ ನರೇಂದ್ರ ಮೋದಿ ನೇತೃತ್ವ ಸಚಿವ ಸಂಪುಟ ಗುರುವಾರ ಮಹತ್ವದ ತೀರ್ಮಾನ ಕೈಗೊಂಡಿದೆ. ವಿಮಾ ಕ್ಷೇತ್ರದಲ್ಲಿ ಶೇ 49ರಷ್ಟು ವಿದೇಶಿ ನೇರ ಬಂಡವಾಳ ಹೂಡಿಕೆಗೆ ಅವಕಾಶ ಕಲ್ಪಿಸಲಾಗಿದೆ.
ವಿಮಾ ಕ್ಷೇತ್ರದಲ್ಲಿದ್ದ ಶೇ 26ರಷ್ಟು ಎಫ್ ಡಿಐ ಈಗ ಶೇ 49ಕ್ಕೇರಿದೆ. ಇದರಿಂದಾಗಿ ಬಹುಕಾಲದಿಂದ ನೆನಗುದಿಗೆ ಬಿದ್ದಿರುವ ವಿಮಾ ಕಾನೂನು(ತಿದ್ದುಪಡಿ) ವಿಧೇಯಕ ಸಂಸತ್ತಿನಲ್ಲಿ ಚರ್ಚೆಗೆ ಬರಲಿದೆ. ಎನ್ ಡಿಎ ಸರ್ಕಾರದ ಈ ನಿರ್ಣಯದಿಂದಾಗಿ ದೇಶಿ ವಿಮಾ ಸಂಸ್ಥೆಗಳಿಗೆ ವಿದೇಶಿ ಬಂಡವಾಳ ಹೂಡಿಕೆದಾರರ ಆರ್ಥಿಕ ಬೆಂಬಲ ಸಿಗಲಿದೆ.
ವಿಮಾ ಕ್ಷೇತ್ರದಲ್ಲಿ ಶೇ.49ರಷ್ಟು ವಿದೇಶಿ ನೇರ ಬಂಡವಾಳ (ಎಫ್ಡಿಐ) ಹೂಡಿಕೆ ಹರಿವಿಗೆ ಅವಕಾಶ ಕಲ್ಪಿಸಿರುವ ತಮ್ಮ ಕ್ರಮವನ್ನು ಕೇಂದ್ರ ವಿತ್ತ ಸಚಿವ ಅರುಣ್ ಜೇಟ್ಲಿ ಸಮರ್ಥಿಸಿಕೊಂಡಿದ್ದಾರೆ. ಈ ನಿರ್ಣಯಕ್ಕೆ ಎಲ್ಲಾ ಪಕ್ಷಗಳ ಬೆಂಬಲ ಸಿಗಲಿದೆ ಎಂಬ ಭರವಸೆ ವ್ಯಕ್ತಪಡಿಸಿದ್ದಾರೆ.
ವಿಮಾ
ಕ್ಷೇತ್ರದಲ್ಲಿ
ಶೇ.49ರಷ್ಟು
ಎಫ್ಡಿಐ
ಹರಿವಿಗೆ
ಅನುವು
ಮಾಡುವ
ವಿಧೇಯಕ
ಸಂಸತ್ತಿನ
ಅನುಮೋದನೆ
ಪಡೆಯಬೇಕು.
ಈ
ಪ್ರಸ್ತಾಪವನ್ನು
ಕಾಂಗ್ರೆಸ್
ನೇತೃತ್ವದ
ಯುಪಿಎ
2008ರಲ್ಲೇ
ಮಾಡಿತ್ತು.
ಆದರೆ
ಈ
ವಿಧೇಯಕವನ್ನು
ರಾಜ್ಯಸಭೆಯಲ್ಲಿ
ಬಿಜೆಪಿ
ತೀವ್ರವಾಗಿ
ಖಂಡಿಸಿತ್ತು.
ವಿಮಾ
ಕ್ಷೇತ್ರವನ್ನು
ವಿದೇಶಕ್ಕೆ
ಮಾರಲು
ಕಾಂಗ್ರೆಸ್
ಹೊರಟಿದೆ
ಎಂದು
ಪ್ರತಿರೋಧ
ವ್ಯಕ್ತಪಡಿಸಿತ್ತು.
ಆದರೆ
ಈಗ
ಜೇಟ್ಲಿ
ಇದೇ
ವಿಧೇಯಕವನ್ನು
ಶಾಸನಬದ್ಧಗೊಳಿಸಲು
ಮುಂದಾಗಿದ್ದು,
ಇದಕ್ಕೆ
ಬಿಜೆಪಿ
ಬೆಂಬಲ
ಸಿಕ್ಕಿದೆ.
ಕಾಂಗ್ರೆಸ್ ಬೆಂಬಲ : ಈ ವಿಧೇಯಕವನ್ನು ಬೆಂಬಲಿಸುವುದಾಗಿ ಕಾಂಗ್ರೆಸ್ ಹೇಳಿದೆ. 'ನಾವು ಬಿಜೆಪಿ ಅವರಂಥಲ್ಲ. ಜನಸಾಮಾನ್ಯರಿಗೆ ಅನುಕೂಲವಾಗಲೆಂಬ ದೃಷ್ಟಿಯಿಂದ ವಿಮಾ ಕ್ಷೇತ್ರದಲ್ಲಿ ವಿದೇಶಿ ಹೂಡಿಕೆಗೆ ಅನುವು ಮಾಡಲು ಕಾಂಗ್ರೆಸ್ ಮುಂದಾಗಿತ್ತು. ಬಿಜೆಪಿ ವಿರೋಧದಿಂದ ಇದು 2008ರಿಂದಲೂ ನನೆಗುದಿಗೆ ಬಿದ್ದಿತ್ತು. ಆದರೆ ಈಗ ಬಿಜೆಪಿ ತರುವ ವಿಧೇಯಕವನ್ನು ನಾವು ಬೆಂಬಲಿಸುತ್ತೇವೆ'' ಎಂದು ಕಾಂಗ್ರೆಸ್ ನಾಯಕ ಜೋತಿರಾದಿತ್ಯ ಸಿಂಧಿಯಾ ಸ್ಪಷ್ಟಪಡಿಸಿದ್ದಾರೆ.
1999ರಲ್ಲಿ ವಿಮಾ ನಿಯಂತ್ರಣ ಹಾಗೂ ಅಭಿವೃದ್ಧಿ ಪ್ರಾಧಿಕಾರ ಕಾಯ್ದೆ(IRDA Act) ಜಾರಿಗೆ ಬಂದಿತ್ತು. 2000ರಲ್ಲಿ ವಿಮಾ ಕ್ಷೇತ್ರದಲ್ಲಿ ಖಾಸಗಿ ಹೂಡಿಕೆಗೆ ಅವಕಾಶ ಕಲ್ಪಿಸಲಾಗಿತ್ತು.ಈಗ ಎಫ್ ಡಿಐ ಹೂಡಿಕೆ ಪ್ರಮಾಣ ಏರಿಕೆಯಾಗುವುದಕ್ಕೆ ವಿಮಾ ಕ್ಷೇತ್ರದಲ್ಲಿ ಸಂತಸ ಮೂಡಿದೆ.(ಪಿಟಿಐ)