ಅಮೆರಿಕದಲ್ಲಿ ಮೋದಿ ಭಾಷಣ ಮಾಡಲಿದ್ದಾರೆ!
ಏನು ಹಾಗಾದರೆ ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿಗೆ ಅಮೆರಿಕ ವೀಸಾ ಕೊಡ್ಬಿಡ್ತಾ, ಅವರಿಗೆ ವಿಧಿಸಿದ್ದ ದಿಗ್ಬಂಧನ ತೆರವುಗೊಳಿಸಿತಾ? ಎಂದು ಆಶ್ಚರ್ಯಚಿಕಿತರಾಗಬೇಡಿ.
ಇದು ಹೇಳಿ ಕೇಳಿ ಡಿಜಿಟಲ್/ಮಾಹಿತಿ ತಂತ್ರಜ್ಞಾನ ಯುಗ. ಪ್ರಪಂಚದ ಯಾವ ಮೂಲೆಯಿಂದ ಬೇಕಾದರೂ ಮತ್ತೊಂದು ಮೂಲೆಗೆ ಕನೆಕ್ಟ್ ಆಗಬಹುದು. ಮೋದಿ ಸಾಹೇಬರು ಹಾಗೆ ಇದೇ ಮಾರ್ಚ್ 23 ರಂದು Wharton India Economic ವೇದಿಕೆಯಲ್ಲಿ ಮಾತನಾಡಲಿದ್ದಾರೆ, through video conference! (ಮೊನ್ನೆ ವಿಧಾನಸಭೆ ಚುನಾವಣೆಯಲ್ಲೂ ಇದೇ ತಂತ್ರ ಅಳವಡಿಸಿಕೊಂಡು ಒಮ್ಮಗೇ ನಾಲ್ಕಾರು ಭಾಷಣ ಮಾಡಿದ ಅನುಭವ ಮೋದಿಗೆ ಇದೆ.)
ವೇದಿಕೆಯಲ್ಲಿ ಮೋದಿ ಪ್ರಮುಖ ಭಾಷಣಕಾರರು. ಅವರ ಜತೆಗೆ, ಯೋಜನಾ ಆಯೋಗದ ಉಪಾಧ್ಯಕ್ಷ, ಆಯೋಗದ ಅಧ್ಯಕ್ಷ ಮನಮೋಹನ್ ಸಿಂಗ್ ಅವರ ನಿಕಟವರ್ತಿ, ಆರ್ಥಿಕ ತಜ್ಞ ಮಾಂಟೆಕ್ ಸಿಂಗ್ ಅಹ್ಲುವಾಲಿಯಾ ಅವರೂ ಸಹ ಈ 2-ದಿನಗಳ ಸಮಾವೇಶದಲ್ಲಿ ಮಾತನಾಡಲಿದ್ದಾರೆ.
ಎಲ್ಲಿಯ 'ನರಹಂತಕ/ಕೋಮುವಾದಿ' ಹಣೆಪಟ್ಟಿ ಹೊತ್ತ ಬಿಜೆಪಿ ನಾಯಕ ಮೋದಿ, ಎಲ್ಲಿಯ ಅಹ್ಲುವಾಲಿಯಾ, ಎಲ್ಲಿಯ ಫಿಲಡಪ್ಫಿಯಾ ಆರ್ಥಿಕ ವೇದಿಕೆ... ಮೋದಿ ಮಹಾತ್ಮೆ ಅಂದರೆ ಇದೇನಾ?