ಬ್ಲೂ ಫಿಲಂ ದಿಕ್ಕುತಪ್ಪಿಸುತ್ತಿರುವ ಓಲೇಕಾರ

ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯ: 'ವಿಚಾರಣೆ ಎದುರಿಸುತ್ತಿರುವ ಮೂವರು ಮಾಜಿ ಸಚಿವರಲ್ಲದೆ ಇನ್ನೂ ಹಲವು ಶಾಸಕರು ಸದನದಲ್ಲಿ ಬ್ಲೂ ಫಿಲಂ ವೀಕ್ಷಿಸಿರುವ ಬಗ್ಗೆ ಸಿಸಿ ಕ್ಯಾಮರಾ ದಾಖಲೆಗಳಿವೆ ಎಂದು ಓಲೇಕಾರ್ ಭಯಪಡಿಸುತ್ತಿದ್ದಾರೆ. ತನಿಖೆ ಪ್ರಗತಿಯಲ್ಲಿರುವಾಗಲೇ ಸಮಿತಿಯ ಸದಸ್ಯರು ಈ ರೀತಿ ಹೇಳಿಕೆ ನೀಡಿರುವುದು ಸಮಂಜಸವಲ್ಲ. ಜನತೆಯನ್ನು ದಿಕ್ಕುತಪ್ಪಿಸುವ ಉದ್ದೇಶದಿಂದಲೇ ಇಂತಹ ಹೇಳಿಕೆ ನೀಡಲಾಗಿದೆ' ಎಂದು ದೂರಿದರು.

'ಇಡೀ ಪ್ರಕರಣವನ್ನೇ ಮುಚ್ಚಿಹಾಕುವ ಅನುಮಾನ ಕಾಡುತ್ತಿದೆ. ಮಾಜಿ ಸಚಿವರ ರಕ್ಷಣೆಗೆ ಸರ್ಕಾರದ ಕಡೆಯಿಂದ ಪ್ರಯತ್ನ ನಡೆಯುತ್ತಿದೆ. ಅದಕ್ಕಾಗಿಯೇ ಪ್ರಕರಣದ ಗಂಭೀರತೆ ಕುಗ್ಗಿಸವಂತಹ ಹೇಳಿಕೆಗಳು ಬಹಿರಂಗವಾಗಿವೆ' ಎಂದು ಅವರು ಅಸಮಾಧಾನಪಟ್ಟರು.

ವೈ.ಎಸ್.ವಿ.ದತ್ತ: 'ವಿರೋಧ ಪಕ್ಷಗಳ ಶಾಸಕರೂ ಬ್ಲೂ ಫಿಲಂ ವೀಕ್ಷಿಸಿದ್ದಾರೆ ಎಂಬ ಹೇಳಿಕೆ ಮೂಲಕ ಬಿಜೆಪಿ ಶಾಸಕರ ರಕ್ಷಣೆಗೆ ಓಲೇಕಾರ್ ಯತ್ನಿಸಿದ್ದಾರೆ. ನಮ್ಮ ಶಾಸಕರಷ್ಟೇ ಅಲ್ಲ, ನಿಮ್ಮ ಶಾಸಕರೂ ನೋಡಿದ್ದಾರೆ ಎಂದು ವಿರೋಧ ಪಕ್ಷಗಳನ್ನು ಪ್ರಶ್ನಿಸುವ ಧಾಟಿಯಲ್ಲಿ ಅವರು ಮಾತನಾಡಿದ್ದಾರೆ' ಎಂದು ಜೆಡಿಎಸ್ ವಕ್ತಾರ ವೈ.ಎಸ್.ವಿ. ದತ್ತ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.