ಬೆಳ್ಳಿಪರದೆಗೆ ಸರ್ಜಾ ಕುಟುಂಬದ ಮತ್ತೊಂದು ಕುಡಿ

ಫೋಟೋ ನೋಡಿದರೇನೇ ಅರ್ಥವಾಗುತ್ತದೆ. ಈಕೆಯದು ಚಿತ್ರರಂಗಕ್ಕೆ ಹೇಳಿ ಮಾಡಿಸಿದ ಮುಖ ಎಂದು. ಎತ್ತರದ ನಿಲುವು, ಸ್ನಿಗ್ಧ ಚೆಲುವು, ಅಪೂರ್ವ ಕೇಶರಾಶಿ...ಇನ್ನೇನು ಬೇಕು ಚಿತ್ರರಸಿಕರ ಮನಸೂರೆಗೊಳ್ಳಲು.

ನೋಡಲೇನೋ ಮಹಾಲಕ್ಷ್ಮಿ ತರಹ ಇದ್ದಾರೆ. ಆದರೆ ಅಭಿನಯ ಹೇಗೋ ಏನೋ ಎಂದು ಕೆಲವರ ಡೌಟು. ಆದರೆ ಈಕೆಯ ರಕ್ತದಲ್ಲೇ ಅಭಿನಯದ ಬೆರೆತಿದೆ. ಜೊತೆಗೆ ಅಭಿನಯದ ಸರಸ್ವತಿ ಕೃಪಾಕಟಾಕ್ಷವೂ ಇದ್ದೇ ಇರುತ್ತದೆ ಬಿಡಿ ಎನ್ನುತ್ತಿದೆ ಚಿತ್ರರಂಗ.

ತಮ್ಮ ಚೊಚ್ಚಲ ಚಿತ್ರದಲ್ಲಿ ಸೆಕೆಂಡ್ ಪಿಯುಸಿ ವಿದ್ಯಾರ್ಥಿನಿಯಾಗಿ ಐಶ್ವರ್ಯಾ ಅರ್ಜುನ್ ಅಭಿನಯಿಸುತ್ತಿದ್ದಾರೆ. ಆಕ್ಷನ್ ಜೊತೆಗೆ ಕಾಮಿಡಿಯೂ ಚಿತ್ರದಲ್ಲಿರುತ್ತದಂತೆ.

ಐಶ್ವರ್ಯಾ ಅವರನ್ನು ನೋಡುತ್ತಿದ್ದರೆ ಅಪ್ಪನ ಕಣ್ಣುಗಳು, ಅಮ್ಮ ನಿವೇದಿತಾ ಅವರ ಮೈಸಿರಿ ಎರಕ ಹೈಯ್ದಂತಿದ್ದಾರೆ. ಐಶ್ವರ್ಯಾ ಅವರ ತಾಯಿ ನಿವೇದಿತಾ ಅವರು ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಜತೆಯಲ್ಲಿ ರಥಸಪ್ತಮಿಯಲ್ಲಿ ಕಾಣಿಸಿಕೊಂಡಿದ್ದರು.