ನಯನಾ ಕೃಷ್ಣ 'ಚಪ್ಪಲಿ'ಯಲ್ಲಿ ಹೊಡೆದ ಸುದ್ದಿಗೋಷ್ಠಿ ಚಿತ್ರಗಳು

ನಿನ್ನೆ ನಡೆದ 'ಕೊಟ್ಲಲ್ಲಪ್ಪೋ ಕೈ' ಚಿತ್ರದ ಸುದ್ದಿಗೋಷ್ಠಿ ವೇಳೆ ವಿವಾದಕ್ಕೆ ಮೊದಲು ನಿರ್ದೇಶಕ ರಿಷಿಯೊಂದಿಗೆ ಚಿತ್ರದ ನಾಯಕ ನಟ ಧನುಷ್ ಹೀಗೆ ಕುಳಿತಿದ್ದರು. ನಂತರ ನಟಿ ನಯನಾ ಕೃಷ್ಣ ಮಾತನಾಡಿ ಬಳಿಕ ಚಪ್ಪಲಿಯಲ್ಲಿ ನಿರ್ದೇಶಕ ರಿಷಿಗೆ ಹೊಡೆದರು.

ತಮ್ಮ ಚಿತ್ರ ಕೊಟ್ಲಲ್ಲಪ್ಪೋ ಕೈ ಸುದ್ದಿಗೋಷ್ಠಿಯಲ್ಲಿ ಅಳುತ್ತಾ ಮಾತನಾಡಿದ ನಯನಾ ಕೃಷ್ಣ, ತಮಗೆ ನಿರ್ದೇಶಕ ರಿಷಿ ಮೊಬೈಲ್ ಮೂಲಕ ಅವಾಚ್ಯ ಶಬ್ಧಗಳಿಂದ ನಿಂದಿಸಿದ್ದನ್ನು ಮಾಧ್ಯಮದವರಿಗೆ ರೆಕಾರ್ಡ್ ಮಾಡಿದ್ದ ಸಂಭಾಷಣೆ ತೋರಿಸಿ ಹೇಳಿದರು.

ಸಂತೋಷ ಹಂಚಿಕೊಳ್ಳಲು ಸುದ್ದಿಗೋಷ್ಠಿಗೆ ಆಗಮಿಸಿದ್ದ ಚಿತ್ರದ ನಾಯಕ ನಟರಾದ ಧನುಷ್ ಹಾಗೂ ಯತಿರಾಜ್ ಆಕಸ್ಮಿಕವಾಗಿ ನಡೆದ ಘಟನೆ ವೇಳೆ ಚರ್ಚೆಯಲ್ಲಿ ತೊಡಗಿಕೊಂಡರು. ಸುದ್ದಿಗೋಷ್ಠಿಯಲ್ಲಿ ನಾಯಕರಾದ ಧನುಷ್ ಹಾಗೂ ಯತಿರಾಜ್ ತಾವಿ ಹೀಗಾಗಿದ್ದರಿಂದ ಅವಮಾನ ಅನುಭವಿಸಿದ್ದೇವೆ ಎಂದರು.

ಸುದ್ದಿಗೋಷ್ಠಿ ನಡೆಯುತ್ತಿದ್ದಾಗ ಚಿತ್ರದ ನಾಯಕಿ ನಟಿ ನಯನಾ ಕೃಷ್ಣರಿಂದ ಚಪ್ಪಲಿ ಏಟು ತಿಂದ ನಿರ್ದೇಶಕ ರಿಷಿ, ಅಲ್ಲಿಂದ ಪಾರಾಗಿ ಪಕ್ಕದಲ್ಲಿದ್ದ ಉಪ್ಪಾರಪೇಟೆ ಪೊಲೀಸ್ ಠಾಣೆಗೆ ತೆರಳುವ ಯತ್ನದಲ್ಲಿರುವುದು. ಅಲ್ಲೂ ಬಿಡದೆ ಅವರನ್ನು ಥಳಿಸಲಾಯತ್ತು.

ನಿರ್ದೇಶಕ ರಿಷಿ ಅನಿರೀಕ್ಷಿತ ಆಘಾತವನ್ನು ಎದುರಿಸುವ ನಿಟ್ಟಿನಲ್ಲಿ ಪೊಲೀಸ್ ಸ್ಟೇಷನ್ ಕಡೆ ಪ್ರಯಾಣ ಬೆಳೆಸುತ್ತಿರುವುದು. ಜೊತೆಯಲ್ಲಿ ನಿರ್ದೇಶಕರ ಕೆಲವು ಸ್ನೇಹಿತರಿದ್ದರು.

ನಟಿ ನಯನಾ ಕೃಷ್ಣ ತಮಗಾದ ಅನ್ಯಾಯವನ್ನು ಸುದ್ದಿಗೋಷ್ಠಿಯಲ್ಲಿ ಸವಿಸ್ತಾರವಾಗಿ ವಿವರಿಸಿದ ಕ್ಷಣ...

ನಿರ್ದೇಶಕ ರಿಷಿ ತಮಗೆ ಚಪ್ಪಲಿ ಏಟು ಬೀಳುವ ಮೊದಲು ನಿರ್ದೇಶಕರಾಗಿ ಚಿತ್ರದ ಬಗ್ಗೆ ಮಾತನಾಡಲು ಪತ್ರಿಕಾಗೋಷ್ಠಿಯಲ್ಲಿ ಈ ರೀತಿ ಕುಳಿತಿದ್ದರು. ಚಿತ್ರ ಪ್ರಾರಂಭವಾದ ಸ್ವಲ್ಪ ದಿನಗಳಲಲ್ಲೇ ನಾಯಕಿ ನಟಿ ನಯನಾ ಕೃಷ್ಣ ಹಾಗೂ ರಿಷಿ ನಡುವೆ ಆರೋಪ-ಪ್ರತ್ಯಾರೋಪಗಳು ನಡೆದು ಅವರಿಬ್ಬರ ಸಂಬಂಧ ಹಳಸಿತ್ತು.