ಮುಖಪುಟ

ಸಿನಿ ಸಮಾಚಾರ

'ಬೆಂಕಿ ಬಿರುಗಾಳಿ' ಎಂಬ ಹೆಸರಿನ ಚಿತ್ರ 26 ವರ್ಷಗಳ ಹಿಂದೆ ತೆರೆಕಂಡಿತ್ತು. ವಿಷ್ಣುವರ್ಧನ್, ಶಂಕರನಾಗ್, ಜಯಂತಿ, ಜಯಮಾಲಾ, ಜೈ ಜಗದೀಶ್ ಮುಂತಾದವರು ಮುಖ್ಯಭೂಮಿಕೆಯಲ್ಲಿದ್ದ ಚಿತ್ರವದು. ಈಗ ಅದೇ ಹೆಸರಿನ ಚಿತ್ರದಲ್ಲಿ ನಮಿತಾ ಹಾಗೂ ಸಲೋನಿ ಅಭಿನಯಿಸಲಿದ್ದಾರೆ.

ಇತ್ತೀಚೆಗೆ ಈ ಚಿತ್ರದ ಮಹೂರ್ತ ನೆರೆವೇರಿತು. ನಮಿತಾ ಜೊತೆ 'ನೀಲಕಂಠ' ಹಾಗೂ 'ಹೂ' ಚಿತ್ರಗಳಲ್ಲಿ ಅಭಿನಯಿಸಿದ್ದ ರವಿಚಂದ್ರನ್ ಅವರು ಕ್ಲಾಪ್ ಮಾಡುವ ಮೂಲಕ ಚಿತ್ರಕ್ಕೆ ಚಾಲನೆ ನೀಡಲಾಯಿತು.ಚಿತ್ರದಲ್ಲಿ ನಮಿತಾ ಬೆಂಕಿಯಾಗಿ ಹಾಗೂ ಸಲೋನಿ ಬಿರುಗಾಳಿಯಾಗಿ ಕಾಣಿಸಲಿದ್ದಾರೆ. ಉಳಿದಂತೆ ಇದೊಂದು ಆಕ್ಷನ್ ಮತ್ತು ಕಾಮಿಡಿ ಚಿತ್ರ.

ಈ ಚಿತ್ರವನ್ನು ಎಸ್ ಕೆ ಬಷೀದ್ ನಿರ್ಮಿಸುತ್ತಿದ್ದು, ಅವರ ನಿರ್ಮಾಣದಮೂರನೇ ಚಿತ್ರ ಇದಾಗಿದೆ. 'ಬೆಂಕಿ ಬಿರುಗಾಳಿ' ತ್ರಿಕೋನ ಪ್ರೇಮಕತೆಯನ್ನು ಒಟ್ಟು 85 ದಿನಗಳ ಕಾಲ ಚಿತ್ರೀಕರಿಸಲಾಗುತ್ತದೆ. ಬೆಂಗಳೂರು, ಮೈಸೂರು, ಚೆನ್ನೈ, ಮಲೇಷಿಯಾ, ಬ್ಯಾಂಕಾಕ್ ಮತ್ತು ಸ್ವಿಜರ್‌ಲ್ಯಾಂಡ್‌ನಲ್ಲಿ ಚಿತ್ರೀಕರಣ ನಡೆಯಲಿದೆ ಎಂದು ನಿರ್ಮಾಪಕರು ತಿಳಿಸಿದ್ದಾರೆ.

ಈ ಚಿತ್ರಕ್ಕೆ ರಾಯಚೂರಿನ ಶ್ರೀಲೇಖಾ ಸಂಗೀತ ಸಂಯೋಜಿಸುತ್ತಿದ್ದಾರೆ. ಈ ಹಿಂದೆ 'ಮದುವೆ ಆಗೋಣ ಬಾ' ಎಂಬ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದರು. ಕತೆ, ಚಿತ್ರಕತೆ, ಸಂಭಾಷಣೆ ಹಾಗೂ ನಿರ್ದೇಶನದ ಜವಾಬ್ದಾರಿಯನ್ನು ಬಷೀದ್ ಅವರೇ ಹೊತ್ತಿದ್ದಾರೆ. ಮಧು ಎ ನಾಯ್ಡು ಅವರ ಛಾಯಾಗ್ರಹಣ ಚಿತ್ರಕ್ಕಿದೆ. ಹೊಸಬ ರಿಷಿಚಿತ್ರದ ನಾಯಕ ನಟ. [ಕ್ರೇಜಿ ಸ್ಟಾರ್]