Englishবাংলাગુજરાતીहिन्दीമലയാളംதமிழ்తెలుగు
 
Share This Story

ಬಾಯ್ ಫ್ರೆಂಡ್ ಕೈಹಿಡಿದ ಇಂತಿ ನಿನ್ನ ಪ್ರೀತಿಯ ಸೋನು

Posted by:
Published: Monday, November 1, 2010, 15:57 [IST]

ಹಲವಾರು ಕನ್ನಡ ಚಿತ್ರಗಳಲ್ಲಿ ಅಭಿನಯಿಸಿರುವ ನಟಿ ಸೋನು ಸೋಮವಾರ (ನ.1) ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟರು. ಕಳೆದ ಮೂರು ವರ್ಷಗಳಿಂದ ಪ್ರೀತಿಸುತ್ತಿದ್ದ ಬಾಯ್ ಫ್ರೆಂಡ್ ಮನೋಜ್ ಕುಮಾರ್ (ಮನು) ಕೈಹಿಡಿಯುವ ಮೂಲಕ ನೂತನ ದಾಂಪತ್ಯಕ್ಕೆ ಪ್ರವೇಶಿಸಿದರು.

ಜೆ ಪಿ ನಗರದ ರಂಗಶಂಕರ ಬಳಿ ಇರುವ ವೆಂಕಟೇಶ್ವರ ದೇವಾಲಯದಲ್ಲಿ ಗುರು ಹಿರಿಯ ಸಮ್ಮುಖದಲ್ಲಿ ಸೋನು ಮತ್ತು ಮನೋಜ್ ಮದುವೆ ನೆರವೇರಿತು. ಮನೋಜ್ ಉದ್ಯಮಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರಂತೆ. ಸೂರಿ ನಿರ್ದೇಶನದ 'ಇಂತಿ ನಿನ್ನ ಪ್ರೀತಿಯ' ಚಿತ್ರದ ಮೂಲಕ ಸೋನು ಬೆಳ್ಳಿತೆರೆಗೆ ಅಡಿಯಿಟ್ಟಿದ್ದರು.

ಸೋನು ಅವರ ತಂದೆ ಮೇಕಪ್ ಕಲಾವಿದರು. ನವೆಂಬರ್ 3ರಂದು ಆರತಕ್ಷತೆ ಕಾರ್ಯಕ್ರಮ ಬುಲ್ ಟೆಂಪಲ್ ರಸ್ತೆಯ ಗಂಜಾಮ್ ಹಾಲ್ ನಲ್ಲಿ ನಡೆಯಲಿದೆ. ಅಂದಹಾಗೆ ಸೋನು ಕನ್ನಡದ 'ಪರಮೇಶ ಪಾನ್ ವಾಲ', 'ಗುಲಾಮ' ಮತ್ತು 'ಪೊಲೀಸ್ ಕ್ವಾಟ್ರಸ್' ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಎಲ್ಲ ಪ್ರಮುಖ ಸುದ್ದಿಗಳ ಮೇಲೆ ಒನ್ಇಂಡಿಯಾ ನೋಟ. ನಿರಂತರ ಸುದ್ದಿ ಪಡೆಯಲು Facebook ಮತ್ತು Twitter ಮೇಲೆ ಇರಲಿ ಕಣ್ಣು.
Topics: ಸೋನು, ಮದುವೆ, ಇಂತಿ ನಿನ್ನ ಪ್ರೀತಿಯ, ಗುಲಾಮ, ಪರಮೇಶ ಪಾನ್ ವಾಲ, sonu, marriage, wedding bells, paramesha panwala, gulama, police quarters
ಅಭಿಪ್ರಾಯ ಬರೆಯಿರಿ

Please read our comments policy before posting

Click here to type in Kannada