Don't Miss!
- News Namma Metro: 2023-24ರಲ್ಲಿ ಮೆಟ್ರೋ ವಾರ್ಷಿಕ ಆದಾಯದಲ್ಲಿ ಭಾರೀ ಏರಿಕೆ: ಖರ್ಚು-ಆದಾಯದ ಮಾಹಿತಿ?
- Automobiles Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- Sports IPL 2024: ಮುಂಬೈ ಇಂಡಿಯನ್ಸ್ ವಿರುದ್ಧ ಶತಕ; ರೋಹಿತ್, ಕೊಹ್ಲಿಗೆ ಕ್ರೆಡಿಟ್ ನೀಡಿದ ಯಶಸ್ವಿ ಜೈಸ್ವಾಲ್!
- Technology Itel: ಭಾರತದಲ್ಲಿ ಐಟೆಲ್ S24 ಲಾಂಚ್! 108MP ಕ್ಯಾಮೆರಾ.. ಬೆಲೆ ಇಷ್ಟೇ
- Lifestyle ಪ್ರವಾಹಕ್ಕೆ ಕಾರಣವಾಗೋದು ಮಳೆಯಲ್ಲ ಬೇಸಿಗೆಯ ಬಿಸಿಲು..! ನಂಬಲು ಸಾಧ್ಯವಿಲ್ಲ ಅಂದ್ರೆ ಈ ವಿಡಿಯೋ ನೋಡಿ..!
- Finance ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಅಕ್ರಮವಾಗಿ ಸಾಗಿಸುತ್ತಿದ್ದ 10 ಹಳದಿ ಅನಕೊಂಡ ಸಹಿತ ವ್ಯಕ್ತಿ ಬಂಧನ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಂತ 'ಕನ್ವರ್ ಲಾಲ್'ನಾಗಿ ಕಿಚ್ಚ ಸುದೀಪ್
ರೆಬಲ್ ಸ್ಟಾರ್ ಅಂಬರೀಶ್ ಅಭಿನಯ ಬ್ಲಾಕ್ ಬಸ್ಟರ್ 'ಅಂತ' ಚಿತ್ರವನ್ನು ಕಿಚ್ಚ ಸುದೀಪ್ ರೀಮೇಕ್ ಮಾಡಲಿದ್ದಾರೆ. 'ಅಂತ' ಚಿತ್ರದ ಹಕ್ಕುಗಳನ್ನು ಸುದೀಪ್ ಈಗಾಗಲೆ ಖರೀದಿಸಿದ್ದು, ಚಿತ್ರಕತೆ ರಚನೆಯಲ್ಲಿ ಸದ್ಯಕ್ಕೆ ಬ್ಯುಸಿಯಾಗಿದ್ದಾರೆ. ಎಲ್ಲವೂ ಸುಸೂತ್ರವಾಗಿ ನಡೆದರೆ ಚಿತ್ರ ಏಪ್ರಿಲ್ ನಲ್ಲಿ ಸೆಟ್ಟೇರುವ ಸಾಧ್ಯತೆಗಳಿವೆ.
ಅಚ್ಚರಿಯ ವಿಷಯ ಎಂದರೆ ಚಿತ್ರಕ್ಕೆ 'ಕನ್ವರ್ ಲಾಲ್' ಎಂದು ಹೆಸರಿಟ್ಟಿರುವುದು. ಕಾರಣಾಂತರಗಳಿಂದ ಇತ್ತೀಚೆಗೆ ಮುಹೂರ್ತ ಮುಗಿಸಿಕೊಂಡಿದ್ದ 'ದಂಡಂ ದಶಗುಣಂ' ಚಿತ್ರವನ್ನು ಸುದೀಪ್ ಮುಂದೂಡಿದ್ದಾರೆ. 'ದಂಡಂ ದಶಗುಣಂ' ಚಿತ್ರಕ್ಕ್ಕೂ ಮುನ್ನ 'ಕನ್ವರ್ ಲಾಲ್' ಚಿತ್ರವನ್ನು ಸುದೀಪ್ ಕೈಗೆತ್ತಿಕೊಂಡಿರುವುದು ವಿಶೇಷ.
ನಿರ್ಮಾಪಕ ಶಂಕರೇಗೌಡರಿಗಾಗಿ 'ದಂಡಂ ದಶಗುಣಂ' ಚಿತ್ರವನ್ನು ಸುದೀಪ್ ಕೈಗೆತ್ತಿಕೊಂಡಿದ್ದರು. ಬಾಲಿವುಡ್ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಅವರ ಚಿತ್ರಕತೆ 'ದಂಡಂ ದಶಗುಣಂ' ಚಿತ್ರಕ್ಕಿದೆ. ಇದೀಗ ಏಕಾಏಕಿ 'ಕನ್ವರ್ ಲಾಲ್'ನನ್ನು ಮತ್ತೆ ತೆರೆಗೆತರುತ್ತಿದ್ದಾರೆ. ಅಂತ ಚಿತ್ರದಲ್ಲಿ ಅಂಬರೀಶ್ ದ್ವಿಪಾತ್ರಾಭಿನಯ ಮಾಡಿದ್ದರು. ಕನ್ವರ್ ಲಾಲ್ ಚಿತ್ರದಲ್ಲೂ ಸುದೀಪ್ ಪೊಲೀಸ್ ಅಧಿಕಾರಿಯಾಗಿ ಹಾಗೂ ಕನ್ವರ್ ಲಾಲ್ ಪಾತ್ರದಲ್ಲಿ ಕಾಣಿಸಲಿದ್ದಾರೆ.
1981ರಲ್ಲಿ ತೆರೆಕಂಡ 'ಅಂತ' ಚಿತ್ರವನ್ನು ಎಸ್ ವಿ ರಾಜೇಂದ್ರಸಿಂಗ್ ಬಾಬು ನಿರ್ದೇಶಿಸಿದ್ದರು. ಎಚ್ ಕೆ ಅನಂತರಾಮ್ ಅವರ ಕಾದಂಬರಿ ಆಧಾರಿತ ಚಿತ್ರ ಇದಾಗಿದೆ. ಪಂಡರಿಬಾಯಿ, ಜಯಮಾಲಾ, ಸುಂದರಕೃಷ್ಣ ಅರಸ್, ವಜ್ರಮುನಿ ತಾರಾಗಣದಲ್ಲಿದ್ದರು. ''ಕುತ್ತೆ ಕನ್ವಾರ್ ನಹಿ ಕನ್ವರ್ ಲಾಲ್ ಬೋಲೊ...'' ಎಂಬ ಡೈಲಾಗ್ ಇಂದಿಗೂ ಜನಪ್ರಿಯ. 'ಕನ್ವರ್ ಲಾಲ್' ಚಿತ್ರದ ತಾರಾ ಬಳಗದ ಆಯ್ಕೆ ಇನ್ನೂ ಅಂತಿಮವಾಗಿಲ್ಲ.