Don't Miss!
- Lifestyle ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Technology Qubo InstaView ವಿಡಿಯೋ ಡೋರ್ ಫೋನ್ ಲಾಂಚ್!..ಬೆಲೆ ಎಷ್ಟು, ಫೀಚರ್ಸ್ ಏನಿವೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಫಾಸ್ಟ್ ಅಂಡ್ ಫ್ಯೂರಿಯಸ್ ನಟ ದುರ್ಮರಣ
ಹಾಲಿವುಡ್ ನ ಬಹುನಪ್ರಿಯ ಚಿತ್ರ 'ಫಾಸ್ಟ್ ಅಂಡ್ ಫ್ಯೂರಿಯಸ್' ಸರಣಿಯ ನಟ ಪಾಲ್ ವಾಕರ್ ಶನಿವಾರ ಲಾಸ್ ಏಂಜಲೀಸ್ ನಲ್ಲಿ ಅಪಘಾತಕ್ಕೀಡಾಗಿ ದುರಂತ ಸಾವು ಕಂಡಿದ್ದಾರೆ.
ಹೆಚ್ಚು ವೇಗವಾಗಿ ಕಾರು ಓಡಿಸುವ, ವೈವಿಧ್ಯಮಯ ಕಾರುಗಳನ್ನು ಬಳಸಿಕೊಂಡು ಮೈನವಿರೇಳಿಸುವ ಸಾಹಸ ಪ್ರದರ್ಶನ ನೀಡುವ ಸಾಹಸಭರಿತ ಸರಣಿಯಲ್ಲಿ ಕಾಣಿಸಿಕೊಂಡಿದ್ದ ಪಾಲ್ ಅವರು ಕಾರು ಅಪಘಾತದಲ್ಲೆ ಸಾವನ್ನಪ್ಪಿದ್ದು ದುರಂತ. ಪಾಲ್ ಅವರು 15 ವರ್ಷದ ಮಗಳು ಹಾಗೂ ಅಪಾರ ಅಭಿಮಾನಿ ಬಳಗವನ್ನು ಅಗಲಿದ್ದಾರೆ.
40 ವರ್ಷದ ಪಾಲ್ ಅವರು ರೀಚ್ ಔಟ್ ವರ್ಲ್ಡ್ ವೈಲ್ಡ್ ಎಂಬ ದಾನದತ್ತಿ ಸಂಸ್ಥೆ ಸ್ಥಾಪಿಸಿದ್ದರು. ಇದರ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಲು ಗೆಳೆಯರೊಡನೆ ತೆರಳುವಾಗ ಈ ಅಪಘಾತ ಸಂಭವಿಸಿದೆ.
ಕಾರು ಅಪಘಾತಕ್ಕೀಡಾದ ತಕ್ಷಣ ಬೆಂಕಿ ಹತ್ತಿಕೊಂಡ ಪರಿಣಾಮ ಕಾರಿನಲ್ಲಿದ್ದ ಇಬ್ಬರು ಸುಟ್ಟು ಕರಕಲಾಗಿದ್ದಾರೆ ಎಂದು ಪ್ರತ್ಯಕ್ಷದರ್ಶಿಗಳು ಲಾಸ್ ಏಂಜಲೀಸ್ ಕೌಂಟಿ ಪೊಲೀಸರಿಗೆ ಹೇಳಿಕೆ ನೀಡಿದ್ದಾರೆ. ಕೆಂಪು ಬಣ್ಣದ ಪೊರ್ಶೆ(porsche) ಕಾರು ಸಿಗ್ನಲ್ ಕಂಬಕ್ಕೆ ಗುದ್ದಿದ ನಂತರ ಹತ್ತಿರವಿದ್ದ ಮರಕ್ಕೆ ಡಿಕ್ಕಿ ಹೊಡೆದಿದೆ. ನಂತರ ಬೆಂಕಿ ಹತ್ತಿಕೊಂಡಿದೆ ಎಂದು ಸಾಂಟಾ ಕ್ಲಾರಿಟಾ ಸಿಗ್ನಲ್ ವರದಿ ಹೇಳಿದೆ.
ಫಾಸ್ಟ್ ಅಂಡ್ ಫ್ಯೂರಿಯಸ್ ಸರಣಿಯ ಏಳನೇ ಚಿತ್ರದಲ್ಲಿ ಪಾಲ್ ನಟಿಸುತ್ತಿದ್ದರು. Hours ಎಂಬ ಮತ್ತೊಂದು ಚಿತ್ರ ಈ ತಿಂಗಳ ಅಂತ್ಯಕ್ಕೆ ತೆರೆ ಕಾಣಲಿದೆ. ಪಾಲ್ ಸಾವಿಗೆ ಅಭಿಮಾನಿಗಳು ಫೇಸ್ ಬುಕ್ ನಲ್ಲಿ ಕಂಬನಿ ಮಿಡಿದಿದ್ದಾರೆ.ಸಾಮಾಜಿಕ ಜಾಲ ತಾಣ ಟ್ವಿಟ್ಟರ್ ನಲ್ಲಿ #RIPPaulwalker ಟ್ವೀಟ್ ಗಳ ಮೂಲಕ ಶ್ರದ್ಧಾಂಜಲಿ ಸಲ್ಲಿಸಲಾಗುತ್ತಿದೆ. ಪಾಲ್ ಗೆ ಸಿಕ್ಕಿರುವ ಶುಭ ವಿದಾಯ ಸಂದೇಶ, ಕಾರು ಅಪಘಾತ ಚಿತ್ರ ಮುಂದಿದೆ
ವಾರ್ಸಿಟಿ ಬ್ಲೂಸ್ ನಟ
ಅಮೆರಿಕದ ನಟ ಪಾಲ್ ವಾಕರ್ ಜನಪ್ರಿಯತೆ ಗಳಿಸಿದ್ದು 1999 ರ ವಾರ್ಸಿಟಿ ಬ್ಲೂಸ್ ಚಿತ್ರದ ಮೂಲಕವಾದರೂ ಜಗತ್ತಿಗೆ ಪಾಲ್ ಸಾಹಸ ದೃಶ್ಯಗಳು ಇಂದಿಗೂ ನೆನಪಿರುವುದು ಬ್ರಿಯಾನ್ ಓ ಕಾನ್ನರ್ ಆಗಿ 'ಫಾಸ್ಟ್ ಅಂಡ್ ಫ್ಯೂರಿಯಸ್' ಸರಣಿ ಚಿತ್ರಗಳ ಮೂಲಕ ಎಂದರೆ ತಪ್ಪಾಗಲಾರದು
ಎನ್ ಜಿಸಿಗಾಗಿ ಪಾಲ್
ಫಾಸ್ಟ್ ಅಂಡ್ ಫ್ಯೂರಿಯಸ್ ಸರಣಿ ಅಲ್ಲದೆ ನ್ಯಾಷನಲ್ ಜಿಯೋಗ್ರಾಫಿಕ್ ಚಾನೆಲ್ ನ ಎಕ್ಸೆಡಿಷನ್ ಗ್ರೇಟ್ ವೈಟ್ ಸರಣಿಯಲ್ಲೂ ಪಾಲ್ ಕಾಣಿಸಿಕೊಂಡಿದ್ದರು. ಎಂಟ್ ಬಿಲೋ, ಇನ್ ಟು ದ ಬ್ಲೂ, ಶೀಸ್ ಆಲ್ ದಟ್, ಟೇಕರ್ ಮುಂತಾದ ಚಿತ್ರಗಳು ಹೆಸರು ತಂದು ಕೊಂಡಿದ್ದವು
|
ಅಭಿಮಾನಿಗಳ ಟ್ವೀಟ್
Live fast Die young ಎಂದು ಅಭಿಮಾನಿಯೊಬ್ಬರು ಕಳಿಸಿದ ಟ್ವೀಟ್
|
ಮಾನವೀಯ ಗುಣ ಹೊಂದಿದ್ದ
ಫಿಲಿಪೈನ್ಸ್ ಚಂಡ ಮಾರುತ ಸಂತ್ರಸ್ತರಿಗಾಗಿ ದೇಣಿಗೆ ಸಂಗ್ರಹ ಕಾರ್ಯದಲ್ಲಿ ತೊಡಗಿದ್ದ ಪಾಲ್ ವಾಕರ್ ಒಬ್ಬ ಸಮಾಜಮುಖಿ ನಟನಾಗಿದ್ದ
ವಿನ್ ಡೀಸೆಲ್ ಕಂಬನಿ
ಪಾಲ್ ವಾಕರ್ ಕಳೆದುಕೊಂಡ ವಿನ್ ಡೀಸೆಲ್ ಕಂಬನಿಧಾರೆ
|
ಪಾಲ್ ವಾಕರ್ ಟ್ವೀಟ್
ಪಾಲ್ ವಾಕರ್ ಅಧಿಕೃತ ಟ್ವೀಟ್ ಐಡಿ ಮೂಲಕ ಸುದ್ದಿ ಪ್ರಸಾರ ಜತೆಗೆ ಫೇಸ್ ಬುಕ್ ಖಾತೆಯಲ್ಲಿ ವಿವರಗಳು ಪ್ರಕಟವಾಗಿದೆ. ಇದು ನಿಜವಾದ ಸುದ್ದಿ ಅಲ್ಲ ಎಂದು ಅಭಿಮಾನಿಗಳು ಈಗಲೂ ನಂಬಿದ್ದಾರೆ.
ವಿನ್ ಡೀಸೆಲ್ ಕಂಬನಿ
ಅಮೆರಿಕದ ನಟ ಪಾಲ್ ವಾಕರ್