More Kannada Updates on: http://m.oneindia.in/kannada/
ಐಶ್ವರ್ಯಾ ರೈ ಹೆಸರೊಂದೇ ಸಾಕು ಅಭಿಮಾನಿಗಳ ಕಣ್ಣು ಮಿಣುಗುತ್ತದೆ. ಐಶ್ ಜೊತೆ ಫೋಟೋ ತೆಗೆಸಿಕೊಳ್ಳುವುದೆಂದರೆ ಅದು ದೊಡ್ಡ ಸಾಹಸವೇ ಸರಿ. ಐಶ್ವರ್ಯಾ ಕುಂತರೂ, ನಿಂತರೂ ಸುದ್ದಿಯಾಗುವ ಕಾಲ ಇನ್ನೂ ಮುಗಿದಿಲ್ಲ. ಆಕೆ ಮದುವೆ, ಬಾಣಂತನ, ಮಗು ಹೀಗೆ ಎಲ್ಲವೂ ಮಾಧ್ಯಮದವರ ಕಣ್ಣಿನ ನೇರಕ್ಕೆ ನಡೆದಿದೆ.
ಈ ನಡುವೆ ಅವಕಾಶ ಸಿಕ್ಕಾಗೆಲ್ಲ ಅಭಿಮಾನಿಗಳ ಜೊತೆ ಸಾರ್ವಜನಿಕವಾಗಿ ಪೋಸ್ ಕೊಟ್ಟು ಅವರ ಮನ ಸಂತೋಷ ಪಡಿಸುವುದನ್ನು ಮಾತ್ರ ಐಶ್ ತಪ್ಪಿಸಿಲ್ಲ. ಹೆಚ್ಚಾಗಿ ವಿದೇಶಿ ಪ್ರವಾಸದ ವೇಳೆಯಲ್ಲಿ ಐಶ್ವರ್ಯಾ ರೈ ತನ್ನ ಅಭಿಮಾನಿಗಳ ಜೊತೆ ಅನೇಕ ಬಾರಿ ಫೋಟೊ ತೆಗೆಸಿಕೊಂಡಿದ್ದಾರೆ. ಬಚ್ಚನ್ ಕುಟುಂಬದ ಸೊಸೆಯಾದ ಮೇಲೇ ಐಶ್ ಹಿಂದಿಗಿಂತಲೂ ಹೆಚ್ಚು ಭದ್ರತೆಯಲ್ಲಿ ಓಡಾಟ ಆರಂಭಿಸಬೇಕಾಯಿತು.
ಆದರೆ, ಮಾಧ್ಯಮಗಳನ್ನು ಚೆನ್ನಾಗಿ ನಿಭಾಯಿಸಬಲ್ಲ ಕಲೆ ಕಲಿತಿರುವ ವಾಕ್ಚತುರೆ ಐಶ್, ತನ್ನ ಅಭಿಮಾನಿಗಳಿಗೆ ಎಂದೂ ನಿರಾಶೆ ಮಾಡಿಲ್ಲ. ಐಶ್ ಜೊತೆ ಫೋಟೋ ಹೊಡೆಸಿಕೊಳ್ಳುವುದೆಂದರೆ ಅದು ಅಭಿಮಾನಿಗಳ ಪಾಲಿಗೆ ಅತ್ಯಂತ ಶುಭ ದಿನ. ಐಶ್ವರ್ಯಾ ಜೊತೆ ಫೋಟೊ ತೆಗೆಸಿಕೊಂಡ ಲಕ್ಕಿ ಅಭಿಮಾನಿಗಳ ಸ್ಯಾಂಪಲ್ ಸಂಗ್ರಹಿಸಿ ನಿಮ್ಮ ಮುಂದಿಡುತ್ತಿದ್ದೇವೆ. ಯಾರಿಗೆ ಗೊತ್ತು ನಿಮ್ಮ ಆಪ್ತರು ಈ ಚಿತ್ರದಲ್ಲಿ ಕಾಣಸಿಗಬಹುದು ಒಮ್ಮೆ ಕಣ್ಣಾಡಿಸಿ..
